মহৈরোয়শিংনা হ্যুমেন চেন শেমদুনা অকনবা প্রোটেষ্ট তৌখ্রে

চৎলিবা সেপ্তেম্বর থা অসীগী অমদগী কুকি- মিলিটেন্টশিংনা নৌনা দ্রোন বোম্বিং য়াওনা অকনবা মওংদা লান্দারক্তুনা মীটৈ মীয়ামদা মায়কৈ খূদীংমক্তা এত্তেক চত্থরক্তুনা মীচম কয়া হাৎখিবা, কয়া অমনা অশোক অপন নংহল্লিবা অসিদা সেন্টর অমসুং ষ্টেট লৈঙাক্না এক্সন অমত্তা লৌদনা তূমীন্না লৈশিল্লিবা থৌওংশিংবু পেন্দবা ফোঙদোক্তুনা ঙরাং মনিপুরগী তোঙান তোঙানবা মফমশিংদা স্কুল, কল্লেজশিংগী মহৈরোয়শিংনা লম্বীদা থোক্লক্তুনা অকনবা প্রোটেষ্ট তৌখ্রে।

কুকি- মিলিটেন্টশিংনা থা অসীগী অমদা ইম্ফাল ৱেষ্ট দিষ্ট্রিক্টকি কৌত্রুক, কদাংবন্দনচিংবা এরিয়াশিংদা দ্রোন বোম্বিং এত্তেক অমসুং স্নাইপর এত্তেক চত্থরকখিবা থৌদোক অদুদা মৌ নহা অমা শিহনখিবা অদূবু মহৈরোয়শিং অদুনা অকনবা মওংদা য়ানীংদবা ফোঙদোক্তুনা অদুনা মফম কয়াদা হ্যুমেন চেন শেমদুনা অকনবা খোল্লাউশিংগা লোয়ননা প্রোটেষ্ট তৌখিবনি।

মমাঙ চহী ২০২৩ গী মে অহুমদগী চিন-কুকি নার্কো- টেররিষ্টশিংনা মৈতৈদা ওন্সীন্দুনা ঙসীফাওবা লান্দারক্তুনা মীচম চা কয়া হাৎলক্লবা মতমসিফাওবদা ঈরাং লাকশীন্নবনি হায়দুনা মনিপুরদা লাক্লিবা সেন্ট্রেল সেক্যুরিটি ফোর্স শিংনা ভাবোক্কুম কূম্মৈ য়েংদুনা লৈরি। মথৌ পাঙথোকপগী মহুৎতা কুকি- মিলিটেন্ট শিংদা মতেং পাংশিন্দুনা লৈরিবা সেন্ট্রেল ফোর্স খূদিংমক মনিপুরদগী হনখ্রো, কুকি- মিলিটেন্ট শিং লৈঙাক্না টেরোরিষ্টনি হায়না লাউথোক উ, ইন্দিয়া লৈঙাক্না মনিপুরদা য়েংলিবা মীৎয়েং য়ানিংদে হায়বা খোল্লাউশিংগা লোয়ননা প্রোটেষ্ট তৌখিবনি।