লোক সভা মীখলগী অরোইবা তাঙ্কক্কি ভোৎ থাধখিবা নুমিত্তা ওরিষ্যাদা মীওই অনী লৈখিদ্রে

তাঙ্কক তরেৎলক থোক্না পাঙথোকখিবা হন্দক্কি ১৮ শুবা লোক সভাগী মীখল অসীগী হৌখিবা থাংজা নুমিত্তা পাঙথোকখিবা তরেৎশুবা অমসুং অরোইবা মীখলদা ওরিষ্যা ষ্টেটকি ওইনা ভোট্টর মিল্লিয়ন ৯.৯৬ লৈবগী মনূংদা নুংথিল পূং অহূম ফাওবদা ভোট্টর মশীং অসীগী মনূংদগী চাদা ৪৬ ফাওবগী চাংদা থোক্নরক্তুনা ভোৎ থাধনখ্রে।
লাইবক থীবদি, হৌখিবা শগোলসেন নুমিত্তগী সমুদ্র গা তাইননা লৈরিবা ষ্টেট অসীগী মীয়াম্না কা হেন্না অয়াকপা নুমিৎকি মৈশা মায়োক্নরগা লৈরকখিবা চৈরক্তা শাথিবা হীটৱেবকি চৈথেং মরক্তা ভোৎ থাধননবা নুংশাগী মৈশা খাঙদুনা ক্যু দা মতম কুইনা লেপ্তুনা লৈনখিবদগী খাঙবা ঙম্নরক্তবা, শ্বর হোনবা ৱাবা, ৱান্থরকপা কয়ামরুম য়াওরকখি।
বুথ-লেভেল ওফিসার ওইনা থৌ পুরিবা ওফিসিয়েল অমা পূক নাবা-লেংবা-থিনবা তৌরে হায়না কমপ্লেন্ট তৌরকখিবা মতূং মিনিট খরা লৈরগা ৱান্থরকপা মরম্না মীয়াম্না হোস্পিটালদা পুখৎখিবগী লম্বীদা শিখি অদুগা সুরেন্দ্র মোহন্টি কৌবা অহল ওইরবা ভোট্টর অমসু পোল্লিং বুথ নম্বর ১৫৯ দা ভোৎ থাধনবা ক্যু দা লেপ্তুনা লৈরিঙৈদা খূদক্তা ৱান্থরকপা অমসুং শ্বর হোনবা ৱারকপদগী লায়কন্ননবা হোস্পিটালদা পুখৎখিবগী লম্বীদা শিখি।
হৌখিবা শগোলসেন নুমিত্তগী ওরিষ্যাদা অকনবা অমসুং মহৌশা অমুক্তা ওইখিদ্রিবা মওংদা অয়াকপা হীটৱেবকি চৈথেং মায়োক্নরগা লাকখ্রবা মতূং হৌখিবা পূং ২৪ অসীদা মীওই ৪১ শিখ্রবনি।
মখোয়দুগী মনূংদা মীওই ১২ দি ষ্টিল সিটি ওইরিবা রৌরকেলাদা শিখিবনি।