লো না য়াদবা থবক, নিশা চাবা য়োনবশিং মশানা তেকচাক পুগদবনি : টাল

হৌখিবা চহীগী মে অহূমদগী চিন-কুকি নার্কো টেরোরিষ্টশিংনা চত্থরক্লিবা হীংসাগী ঈরাং অসিদা লমদম অসিগী কাঙলুপশিং অকনবা চৈথেং মায়োক্নরক্লি। তম্পাক্কী তোঙান তোঙানবা মফমশিংদা লৈরিবা ভিল্লেজ ভলন্টিয়ার ফোর্সশিং থৱায়না পোন্থা পীখ্রবনি। লৈবাক্কী ওইনা খম থেংনা ৱারবা তাল্লকসিদা মশাখক্কি  য়েংলগা ওইজবা থিবা মীওইশিংনা দ্রগ অমসুং অতৈ অতৈ নিসাগী পোৎলমশিং কারবার তৌবা, য়োনবা, চাবা মীওই খূদীংমক খুদক্তা লেপকদবনি। করিগুম্বা লূপ্না  থেংনবা তারবদি মদুগী তেকচাক খূদীংমক মশা মশানা পুগদবনি হায়না টুলিহল অপূনবা লূপ (টাল) না অকনবা চেকশিন ৱাফম মরী লৈনবশিংদা থম্লকখ্রে।

য়াইরিপোক তুলিহল ইদগাহ মনাক্তা লৈরিবা কম্যুনিটি হোলদা পাঙথোকপা মীয়ামগী মীফমদা ৱাফম অসী লূপ অসীনা থমখিবনি। লমদম অদুগী তোঙান তোঙানবা লূপশিংগী মীহুৎশিংসু শরুক য়াখিবা মীফম অদুদা থা মাপন শুরক্কদৌরবা মনিপুরগী হীংসাগী ঈরাং অসী লোইশিন্নব মরী লৈনবশিংগী অকনবা মীৎয়েং চিংশিন্দুনা তকশীনখি। ঈমা লৈবাক্কিদমক কুকি মিলিটেন্টশিংগী খুত্তা লৈখিদ্রবশিংগী মফমদা ঈকায়খুম্নবসু ঊৎখি।

মখোয়গী থৱায়না মপূগী লৈকোলদা ঈংনা-চীক্না লৈরুনবা মীয়ামগী মীফম অদুদা থৌনিজখি। মীফম অদুদা এদ-হোক কম্মিটি ওইনা লৈরম্বা টাল অসী মপূংফাবা লূপ অমা ওইনা ওন্থোক্তুনা মসিগী অনৌবা থৌপুবশিং খনবা হায়নসু য়ানখি অদুগা মসিগী থৌপুবশিংসু য়েৎনবা য়াওদনা খনখি।