লমজাথাং হাওকিপকি য়ূমদা অকি-অখং থোকহল্লম্বদা চেন্নবশিং লেম্না থারোই: চিফ মিনিষ্টর

ম্ফাল দা বেজ তৌবা টি ভি চেন্নেল অমগী দিস্কসন্দা শরুক য়াখিবা মাইকেল লমজাথাং হাওকিপকি চুরাচান্দপুর পেনিয়েল ভিল্লেজদা লৈবা য়ূমদা থা অসীগী হৌখিবা তাং২৫ গী নুমিদাং পূং ১০.৩০  রোম তাবদা অফবা মখলগী খূৎলায় পায়বা মীওই কুনথ্রারোম চঙশীল্লক্লগা নোংমৈ কাপশীন্দুনা য়ূমদা অকায়- অতোয় থোকহল্লম্বা অমসুং অকি- অখং নংহল্লম্বা থৌওং অদু অকনবা মওংদা চিফ মিনিষ্টরনা কন্দেম তৌখিবগা লোয়ননা থৌদোক অদুদা চেন্নবশিং লেম্না থারোই হায়বা ৱাফম ফোঙদোকখ্রে।

শকখঙদবা খূৎলায় পায়বশিং অদুনা মহাক্কি য়ূমগী শরুক খরসু মৈ থাদোক্তুনা অমাঙ- অতা থোকহল্লমখিবনি। পাঙথোকখিবা টি ভি চেন্নেলগী দিস্কসন অদুদা লমজাথাং হাওকিপনা থাদৌশিং অসি কুকি নত্তে, কুকিশিংগী সুপ্রিমেসি মখাদা থাদৌশিং মতম কুইনা  অৱাবা খুদোংচাদবা কয়া মায়োক্নরগা লাক্লিবনি হায়না ফোঙদোকখিবনি।

দিস্কসন অদু লোইরবা মতূং নুংদাংগী পূং ১০.৩০ রোম তারকপদা লমজাথাংগী য়ূমদা শকখঙদবা খূৎলায় পায়বশিং মীওই কুনথ্রারোম চঙশীল্লক্লগা মহাক্কি য়ূমদা নোংমৈ রাউন্দ কয়ামরুম কাপশিল্লম্বগা লোয়ননা য়ূমগী শরুক খরসু মৈ থাদোক্তুনা অমাঙ- অতা থোকহল্লমখিবনি। কুকি মিলিটেন্টশিংনা লমজাথাং হাওকিপ হাৎকনি হায়না থাদোরকপা ভিডিও অমসু ভাইরেল ওইরকখ্রবনি।