ইম্ফাল নবেম্বর ১৫: চৎলিবা নবেম্বর থা অসীগী ১১ দা জিরিবাম দিষ্ট্রিক্টকি মনূংচনবা জাকুরাধোর খুঙ্গংদগী অঙাঙ অহুম অমসুং নূপী অহুম- পূন্না মীওই তরুক কিদনেপ তৌদুনা কুকি মিলিটেন্টশিংনা পুখিবদগী ঙসীফাওবা থাদোরক্ট্রিবগী মতাংদা সেন্টর অমসুং ষ্টেট লৈঙাকশিংনা মাঙখ্রবশিং থিদোক্তুনা মীয়াম অমদি ঈমূং- মনূংগী মীওইশিংদা খূৎশিন্নবা ঙমদববু পেন্দবা ফোঙদোকপগা লোয়ননা অথূবা মতমদা মরাল লৈজদ্রবা নূপী অহুম অমসুং করিসু খঙজদ্রিবা পীক্লিবা অঙাঙ অহুম- পূন্না মীওই তরুক অদূবু খূদক্তা থোদোকহন্ননবা ষ্টেট অমদি সেন্টর লৈঙাকশিংনা অকনবা খোঙথাঙ লৌখৎকদবনি হায়বা দিমান্দ তৌরদুনা ঙরাং তোঙান-তোঙানবা দিষ্ট্রিক্টশিংদা লৈরিবা মহৈলোয়শঙশিংগী মশীং য়াম্লবা মহৈরোয়শিংনা খোঙজঙ চঙশীনখ্রে।
চিন- কুকি মিলিটেন্টশিংনা ফাজিনখিবা মীচম তরুক অদূবু খূদক্তা অশোয়- অঙাম অমত্তা য়াওহন্দনা থাদোকহল্লু, মিলিটেন্টশিংনা মীচম ফাজিনখ্রগা সেন্টর অমসুং ষ্টেট লৈঙাকশিংনা তূমিন্না, খঙশীন্নদনা লৈশিনবা থৌওং য়ানিংদে, কুকি মিলিটেন্টশিং তকথোকখো হায়বা খোল্লাউ কয়া লাউরদুনা মহৈরোয়শিংনা অকনবা খোঙজঙ চঙশীনখিবনি।
কোকোমি ষ্টুদেন্টস ফ্রন্ট কি লমজিং মখাদা চত্থখিবা মহৈরোয়শিংগী খোঙজঙ অদুদা য়াম্লবা ইম্ফাল ইষ্ট, ইম্ফাল ৱেষ্ট, থৌবাল, বিষ্ণুপুর, ককচীং নচিংবদগী মহৈরোয়শিংনা অমুবা ফীরাল অমসুং অমুবা বেজশিং শীজিন্নখি।
