কুকি জোগী মিলিটেন্টশিংনা ইথম থোং মনাক্তা বোম কাপশীল্লক্তুনা মখা তানা লান্দারকখ্রে

থা অসীগী তরূক্কি নুংথিল পূং অনিরোম তাবদা মফৌ  দাম পুলিস ষ্টেসন মনুং চন্না মোইরাংপুরেল তূমুরোককি লৈঙোই পেকফমদা অফবা মখলগী নোংমৈ  য়াওনা বোম্নচিংবা শীজিন্নদুনা কুকি মিলিটেন্টশিংনা লান্দারকখিবা মতুং ঙরাঙসু  নোঙাল্লমদাই পূং অহুমলোম তারকপা মতমদা মিলিটেন্টশিং অসিনা ইথম থোং মনাক্তা শক্তি লৈরবা বোম অমা কাপশীল্লক্তুনা পোকখায়হনখ্রে।

বোম অদু মোইরাংপুরেল মনীং, ইথমগা লোন্নব থোংখোঙগা ঈরাপ লাপ্নদনা লৈরিবা বি এস এফকি কেম্প মনাক্তা কাপশীল্লক্তুনা পোকখায়হনখিবনি হায়না মফম অদুগী খুঞ্জাশিংনা ফোঙদোরকখি।

মদূগী মতুং ঙাইহাক লৈরগা তূমুখোং তম্না এ আর গী গারিশিং নোঙাল্লমদাই মতমদা গারী তরারোম থৌজিল্লকখি হায়রি।মখোয়দু মফমদুদা অহীং য়ারেক্তুনা লৈরিবা মৈরা পায়বিশিংনা থিংনবা হোৎনরূবদা কন্না মূক্নরকখিসু হায়রি। তুমুখোং ঙাক শেনবদা এ আর য়াওবিগনু হায়না অকনবা খোল্লাউশিং লাউখি।