কুকি জোগী লুচিংবশিংনা হোম মিনিষ্টর আমিট শাহগা উনদুনা দাবীশিং তকশীনগদৌরি

কুকি জো ট্রাইবকী লুচিংবশিংনা য়ুনিয়ন হোম মিনিষ্টর আমিট শাহগা উনদুনা মখোয়গী তোখাই তানিংবগা মরী লৈনবা দাবীশিং তকশীন্ননবা থৌরাং তৌরি হায়রি।
য়ুনিয়ন মিনিষ্টর আমিট শাহগা উনদুনা আই টি এল এফ, কোতু, কুকি ইনপি, জোমী কাউন্সিল, হীল ট্রাইবকী কাউন্সিলগী লুচিংবশিংনা মখোয়গী তোঙান তোঙানবা দিমান্দ কয়ামরূম তকশীনগনি হায়রি। আই টি এল এফকি স্পোক্সপর্সন গিঞ্জাবুআলজোংনা ফোঙদোরকপা মতূং ইন্না কাঙবু অসিগী দিলিগেসন টিম অমা হৌখিবা নিংথৌকাবা নুমিত্তা ন্যু দিল্লীদা থুংখ্রে, মখোয়না হোম মিনিষ্টর অমসুং হোম এফিয়র্সকি সেনিয়র ওফিসিয়েলশিংগসু উনদুনা ৱারী শান্নগনি।
মনিপুরগী হীংসাগী ঈরাং অসিদা লৈরিবা তঙদু লৈতাদবা অসীগী মতাংদা কুপ্না খন্ন-নৈনগনি। চিফ মিনিষ্টর নোংথোম্বম বিরেন্না হৌখিবা ফেব্রুয়ারি অহুমদা হোম মিনিষ্টর আমিট শাহগা উনদুনা ৱারী শান্নখ্রব মতূংদা কুকি জোগী লুচিংবশিং অসীনা য়ুনিয়ন মিনিষ্টর অসীগা উননবা থৌরাং তৌরকপনি হায়রি। কুকি জোগী লুচিংবশিং অসিনা মনিপুরদা মখোয়গী তোঙানবা সেপরেট এদমিনিষ্ট্রেসনগী দিমান্দ অদু পীবিনবা তকশীল্লব য়াই হায়না পানরি।