খুল ঙাকপা প্রেম হাৎপদা চেন্নবা পুলিস পার্সনেল পূঙ ২৪ গী মনূঙদা দিসমিস তৌদ্রবদি মমা ওইবীশিংগী ঈহৌ মায়াক্ননবা শেম শাবিরো : লৈরিক লৈমা

চৎলিবা থা অসীগী ১৪ দা খুল ঙাকপা, মশাগী চহী ১৮ খক্তা ঙায়জরিবা প্রেম কৌবা নূপামচা অমা মনিপুর পুলিস কম্মান্দোগী টিমশিংনা ফারগা খূদক্তা নোংমৈনা কাপ্তুনা হাৎখিবা থৌওং অদূ লমদমসিগী মমা ওইবীশিংনা কৈদৌনুংদা য়াবা ঙম্লোই। প্রেম হাৎপদা চেন্নরিবা পুলিস কম্মান্দোগী পার্সনেলশিং, মখোয়গী কম্মান্দর লাক্লিবা পূং ২৪ গী মনূংদা দিসমিস তৌগদবনি লোয়ননা ফাজিন্দুনা পুলিস কষ্টদিদা থম্লিবা খুল ঙাকপা নহা ৬ পুং ২৪ অসিগী মনূংদা থাদোক্ট্রবদি মমা ওইবীশিংনা খ্বায়দগী অকনবা খোঙজঙশিং হনবা নাইদনা চঙশীল্লগনি।

মমা ওইবীশিংনা লম্বীদা থাঙ পায়দুনা থোক্লক্লগা পুলিস টিমশিংগা লান্থেংনরগনি। মদূগী দমক শেম শাদুনা লৈঙাক্না লৈগদবনি হায়না কোকোমি ৱিমেন ৱিংগী কোর্দিনেটর ৱাই লৈরিক লৈমনা অকনবা ৱাফম ফোঙদোকখ্রে। ঙরাং ইম্ফালগী লম্ফেলপাত্তা লৈরিবা কোকোমিগী ওফিসতা পাউমীশিংগা উনখিবা অমদা ঈমা লৈরিক লৈমনা ৱাফম অসী ফোঙদোকখিবনি। মহাক্না হায়, ঙসীফাওবা থা ১৯ শুরক্লবা মনিপুরগী ঈরাঙ অসীদা মনিপুর পুলিস কম্মান্দোগী টিমশিং না কুকি-জো কাঙলূপকি মিলিটেন্টশিংগী মরক্তগী মী অমত্তা হাৎখিবা লৈত্রি।

ভিল্লেজ ভল্লন্টিয়র ঈচাশিংনা খুল ঙাক্তুনা মীয়ামগী পুন্সি অমসুং লন- থুম ঙাক্তুনা লাক্লিবনি। মরম অসিনা পূং ২৪ Shirt মনূংদা প্রেম হাৎপা পুলিস পার্স নেল শিং দিসমিস তৌদ্র বা অমসুং অমসুং ভিল্লেজ ভল্লন্টিয়র ৬ ফাখিবদু থাদোরক্ট্রবদি অকনবা খোঙজঙ চত্থরগনি হায়খি।