চৎলিবা থা অসীগী ১৫ গী নুংথিল পূঙ ২.৩০ রোম তাবদা ইম্ফালগী খুমন লম্পাকতা লৈবা ইন্টর ষ্টেট বস টার্মিনস মনাক্তগী ইম্ফাল পুলিস ষ্টেসনগী টিম অমনা মীওই অমা কানিগা কোন্ননা ফাগৎপা ঙমখ্রে।
মীওই অদুনা মফমদুদা কানি য়োল্লে হায়বা অকক্নবা পাউ অমা ফংবদগী ইম্ফাল পুলিস ষ্টেসনগী এদ্দিস্নেল এস পি (ওপ্স) না লুচিংবা পুলিসকি টিম অমনা এস পিগী সুপরভিজন মখাদা মফমদুদা চঙশীন্দুনা মীওই অদূ কানিগা কোন্ননা ফাগৎপা ঙমখিবনি হায়না পুলিসতগী ফংবা পাউদা ফোঙদোরক্লি।ফাগৎলবা মীওই অদূ ইম্ফাল ৱেষ্ট দিষ্ট্রিক্ট মনূঙ চন্না লৈবা কোম্লাখোং মখা লৈকায়দগী হায়রি।মহাক্কি মমিংনা ময়াঙময়ূম হেফাজুদ্দিন (৪২) ,অপোকপগী মমীং মৌলানা সেরাজুদ্দিন কৌই।
মঙোন্দগী কানি কেজি ১.০০২ পুলিসনা ফাগৎপা ঙমখি। মহাক্কি মথক্তা মখাতাবা আইনগী থবক পুলিসনা লৌখৎপা হৌখ্রে।
