ইম্ফাল জিরিবাম লম্বী, নেস্নেল হায়ৱে-৩৭ গী য়েৎথংবা পরীংদা লৈরিবা য়ূম- কৈ, বিল্ডিং ষ্ট্রকচরশিংগী মপূশিংনা লাক্লিবা নুমিৎ তরেৎনিগী মনূংদা মশা- মশানা খঙনা বিল্ডিং শিং অদূ লৌথোকখিনবা অরোয়বা ৱার্নিং ওইনা নোটিস ইস্যু তৌদুনা খঙহনখ্রে। হায়ৱে অসী হেন্না পাকথোক-চাউথোকহন্ননবা লৈঙাক্না লৌখৎলকপা থৌরাংগী মখাদা খোঙথাঙ অসী লৌখৎলকপনি হায়রি। হায়ৱে অসীগী য়েৎ থংবা লম্বী নাকন্দা লৈরিবা য়ূম- কৈ, বিল্ডিং, ষ্ট্রকচরশিং অসী লৌথোকপদা য়ানরদুনা হান্ননা লম মপূশিংনা লৈঙাক্তগী কম্পেন্সেসনগী শেনফমশিং লৌথোকখ্রবনি হায়রি।
সব-দিভিজনেল মেজিস্ট্রেট জিরিবামগী অরোয়বা দিরেক্তিব অসী দিষ্ট্রিক্ট মেজিস্ট্রেটকি ওর্দর মখাদা লৌখৎলকপা খোঙথাংনি। লম অমসুং বিল্ডিং ষ্ট্রকচরশিং অসীগী মপূশিংনা লৈঙাক্না থারক্লিবা দেদলাইন অসীফাওবগী মনূংদা মশা- মশাগী ষ্ট্রকচরশিং অদূ লৌথোক্তবা তারবদি মখাতানা খঙহনবা তৌদনা পুলিস ফোর্স ফাওবা শীজিন্নরগা ষ্ট্রকচরশিং অদূ লৈঙাক্না তকথোকপগী দ্রাইভ অমা চত্থরগনি হায়না এস দি এম জিরিবামগী দিরেক্তিব অদুদা পল্লি।
মশীগী মতাংদা মমাঙদসু, চহী অসীগী মে ১৩ অমসুং হন্দক ওক্তোবর ১৪ দা দিষ্ট্রিক্ট মেজিস্ট্রেটকি মায়কৈদগী পব্লিক নোটিস থোক্তুনা বিল্ডিং ষ্ট্রকচরশিং অদূ মশা- মশানা লৌথোকখিননবা খঙহনবা লৈখ্রবনি হায়রি।
