জিরিবামদা হীংশাগী ঈরাং চত্থরক্তুনা মীওই কয়ানা লাঞ্জেন্নদুনা রিলিফ কেম্প শিংদা লৈরিবা অসী অথুবা মতমদা মখোয়গী অনৌবা য়ূমশিং ষ্টেট লৈঙাক্কি মায়কৈদগী শাননবা থৌরাং লৌখৎলে। অকনবা ঈরাং অসী লাকশীন্ননবা অথূবা মীৎয়েং চঙদুনা সেক্যুরিটিগী চেকশীন থৌরাং কয়াসু লৌখৎলি হায়না ষ্টেট লৈঙাক্কি কেফ এন্দ পি দি অমসুং পি ঐচ ঈ দিগী মিনিষ্টর লৈশাংথেম শুশিন্দ্রোনা ফোঙদোকখ্রে।
চিফ মিনিষ্টর নোংথোম্বম বিরেনগী ইন্সট্রক্সন মখাদা মিনিষ্টর সুশীন্দ্রো না ষ্টেট লৈঙাক্কি কন্সট্রক্সন ৱার্কর্স ৱেলফিয়র বোর্দ কি চ্যেরমেন অমসুং বি জে পি মনিপুরগী জেনরেল সেক্রেটরি কে সরতকুমারগা লোয়ননা চৎলিবা জূন থা অসীগী ১৩ দা জিরিবামদা চত্তুনা মফম অদুদা হাংলিবা খ্বায়দগী চাউবা রিলিফ কেম্প অমা ওইনা বিদ্যানগরদা লৈরিবা রিলিফ কেম্প তা মীয়ামগী তঙায়ফদনা চঙদ্রবা য়াদ্রবা পোৎলমশিং য়েন্থোকখিবা থৌরমদুদা সুসিন্দ্রোনা ৱাফম অসী ফোঙদোকখিবনি।
রিলিফ কেম্প অদুদা মিনিষ্টর সুসিন্দ্রোনা মোম্পাক ২০০,মোন ২০০ অমসুং অঙাঙশিংনা চাননবা অচা-অথকশিং ইনমেটশিংদা য়েন্থোকখি। রিলিফ মেটরিয়েলশিং অদু অতৈ মফমদা লৈরিবা রিলিফ কেম্প শিংদসু মখা তানা ফংহন্ননবা থৌরাং তৌগনি হায়না মহাক্না মীয়ামদা ফোঙদোকখি।
