জপানিজ এম্বাসেদর নুমিৎ নিনিগী খোঙচত্তা নাগালেন্দদা লাক্কদৌরি

ইন্দিয়াদা জাপানগী এম্বাসেদর ওইনা লৈরিবা হীরোসি সুজুকি ঙসী নুমিৎ নিনিগী খোঙচত্তা নাগালেন্দদা লাক্কদৌরি। অহানবা নুমিত্তা মহাক্না কোহিমাদা লৈবা ষ্টেট বঙ্কিট হোলদা পাঙথোক্কদবা কলচরেল প্রোগ্রাম অমদা শরুক য়াগনি অদুগা নীনী চনবা নুমিত্তা হয়েং কোহিমা পিস মেমোরিয়েল অমসুং ইকো পার্ক শাননবা উরেপ উয়ুং তম্বা থৌরমদা শরুক য়াগনি হায়রি।

ইকো পার্ক অদু উরেপ উয়ুং তম্বা থৌরমদা মহাক্না শরুক য়াবগা লোয়ননা অতৈ তোঙান তোঙানবা থৌরম খরদসু শরুক য়াগনি হায়রি। অয়ুক্তা সেরেমোনিয়েল প্লান্তেসন্দসু শরুক য়াগদৌরি। মদুগী মতূংদা মহাক্না কোহিমা ৱার সেমিত্রিদসু চত্তুনা মালেমগী অনীশুবা লাঞ্জাওদা থৱায় কৎখ্রবা থৌনা ফরবা জপানিজ লান্মিশিংগী মোংফমদা লৈ-শু কত্তুনা ইকায়খুম্নবা ঊৎকনি হায়রি। থৌরম অদুদা নাগালেন্দ গী চিফ মিনিষ্টর নৈফ্যু রিওসু শরুক য়াগনি হায়রি।

মদুগী মতূংদা এম্বাসেদর অসিনা অতৈ জপানিজ দিলিগেৎশিংগা লোয়ননা কোহিমা কেথেদ্রেল অমসুং নাগা হেরিটেজ ভিল্লেজ, কিসামাদা লৈবা ৱারল্ড ৱার-২ ম্যুজিয়ম দা চৎকনি। জাপান অমসুং নাগালেন্দ অনীগী মরক্তা কলচরেল অমসুং দিপ্লোমেটিক্কি মরী হেন্না চেৎশীলহন্ননবা খোঙথাং অমা মহাক্কী হন্দক্কি খোঙচৎ অসিনা ওইরগনি হায়রি।