জম্মু কাষ্মিরগী কাথুৱা দিষ্ট্রিক্ট তা টেরর এটেক চত্থরকখিবা টেরোরিষ্ট অনী সেক্যুরিটি ফোর্স না হাৎখ্রে, পাকিস্তান না শাবা পোৎলমশিং ফংবা ঙমখ্রে

জম্মু কাষ্মিরগী কাথুৱা দিষ্ট্রিক্টতা হৌখিবা লৈবাকপোকপা নুমিত্তা সেক্যুরিটি ফোর্স কা খূৎ থোক্নখিবা এনকাউন্টর অমদা টেরোরিষ্ট অনী সেক্যুরিটি ফোর্স না হাৎখ্রে। মখোয়দগী পাকিস্তাননা শাবা খূৎশু-খূৎলায় কয়ামরুম ফংবা ঙমখ্রে। কাপ্পা য়ারিবা নোংমৈ মরূ রাউন্দ কূনথ্রাগা কোন্ননা মেগজিন অহুম টেরোরিষ্টশিং অদুগী মশাদগী ফংবা ঙমখি। মখোয়গী মশাদগী গ্ৰেনেদ অহুমসু ফংবা ঙমখি হায়রি।

নোংমৈনা কাপ্তুনা হাৎখ্রবা টেরোরিষ্ট অনী অদুগী মশাদা লূপা ৫০০ চৎপী নোট ঙাক্তগী ওইবা পূন্না লূপা লাখ অমগী শেনফমসু সেক্যুরিটি ফোর্স পার্সনেলশিং অদুনা ফংবা ঙমখি হায়রি। মখোয়দগী পাকিস্তাননা শাবা চোকোলেটশিং, অকংবা চনা অমসুং তলনচিংবসু ফংখিবা মরম্না টেরোরিষ্ট অনী অদু পাকিষ্টান মচা নত্রগা লৈবাক অদুগা য়াম্না নক্নবা মরী লৈনবশিং ওইরম্বা য়াই হায়না পানরি।

নোংমৈ কাপ্নবগী থৌদোক অদুদা সি আর পি এফ লান্মী অমসু শিখি। মখোয়দগী পাকিস্তাননা শাবা মেদিসিন কয়ামরুম, পেইন-কিল্লর ইঞ্জেক্সনশিং, এ৪গী বেটরি সেল পেক্ট অনী, এন্টিনা য়াওবা হেন্দ সেট অমা অমসুং হেন্দ সেট অদুদগী শমথরকপা ৱায়র অনীসু ফংখি। এম ৪ গী কার্বাইন অমগা এ কে ৪৭ রাইফল অমসু সেক্যুরিটি ফোর্স না মখোয়দগী ফংবা ঙমখি হায়রি।