ইজরেল, ইরান্নচিংবা লৈবাকশিংদা ইন্দিয়ানশিং চত্তনবা এদভাইজরি ইস্যু তৌখ্রে

মিদ্দল ইষ্ট লৈবাকশিংদা, থোইদোক হেন্দোক্না ইরান অমসুং ইজরেলনচিংবা লানগী টেন্সন য়াম্না ৱাংনা লৈরিবা লৈবাকশিংদা ইন্দিয়ানশিং চত্তনবা এদভাইজরি ইস্যু তৌখ্রে। এক্সটর্নেল এফিয়র্স মিনিষ্ট্রিনা থোকখিবা এদভাইজরি অমগী মতূং ইন্না, টেন্সন য়াম্না ৱাংনা লৈরিবা লৈবাকশিং অসিদা হৌজিকমক্কি ওইনা চৎলুবা মতমদা কা হেন্না খুদোংচাদবা মায়োক্নবা য়াই, মীশী-মীনা য়াম্না ৱাংনা লৈরিবা লৈবাকশিং অসিদা হৌজিকমক্কি ওইনা চৎলুবা মতমদা ঐখোয়গী মীয়ামদা খুদোংচাদবা মায়োক্নবা য়াই হায়খি।

মখাতাবা নোটিফিকেসন অমা থোক্ট্রিফাওবা এদভাইজরি অসি ইন্দিয়ান খূদীংমক্না ঙাক্না চৎকদবনি। লমহেন-তুহেন্দুনা, এদভাইজরি অসি ইন্দদুনা থবক তৌবশিংগী তেকচাক মশা মশানা পুজবা তাবনি হায়রি। ইজরেল অমসুং ইরান লৈবাক্তা হৌজিকমক্কি ওইনা লৈরিবা ইন্দিয়ানশিং মশা মশানা লৈরিবা মফমশিং অদুদগী য়ারিবমখৈ চত্থোক্তনা লৈগদবনি। তঙায়ফদনা চত্থোকপা তারবসু য়াম্না ৱাংনা চেকশিন থৌরাং লৌখৎকদবনি হায়না এদভাইজরি অদুনা খঙহনখি।

ইজরেল অমসুং ইরান লৈবাক্তা হৌজিকমক্কি ওইনা লৈরিবা ইন্দিয়ানশিংনা মখোয় মফমশিং অদুদা লৈরি হায়বদু খঙনবগীদমক লৈবাকশিং অদুদা লৈরিবা ইন্দিয়ান এম্বেসিশিংদা চঙশিন্দুনা রেজিষ্টর তৌগদবনি হায়রি।। ইজরেলনা এয়রষ্ট্রাইক চত্থরুবা মতূংদা ইরান্নসু লম্মন খুমগনি হায়না ৱাশকপা লৈখ্রবনি।