স্মাইল ত্রেইনগী গিনিস রেকোর্দকীদমক কংলা ফোর্টতা হিগোক মচুগী মৈ ভালহনখে

ব্রার্ল্ড স্মাইল দেগা মরী লৈননা স্মাইল ত্রেইন ইন্দিয়াগী অনৌবা গিনিস ৱাৰ্ল্ড রেকোর্দকী মিংথোলগী শরুক য়াবা ওইনা কংলা ফোর্টতা হিগোক মাগী মৈ থান্দুনা ভালহনখে। সিজ হোস্পিটাল এন্দ রিসার্চ ইন্সটিট্যুটনা স্মাইল ত্রেইন ইন্দিয়াগা খুৎশন্নদুনা সিজ হোস্পিটাল অমসুং কংলা ফোর্টপু স্মাইল ত্রেইনগী প্রাইমারি কলর ওইরিবা হিগোক মুন্সী মৈ থাদুনা স্মাইল ব্রেইন ইন্দিয়াগী ২৫ শুবা মপোক কুমওন থৌরম পাঙথোকখে।

স্মাইল ত্রেইনগী মালেম শিনরা থুংবদা পায়খৎলিবা খোঙথাং চহী ২৫ চুপ্পা ক্লেস্ট সর্জরি লেম্না পাঙথোতুনা লাকপগী শরুক অমা ওইনা কুমওন থৌরম অসি পাঙথোকপনি হায়রি। মালেমগী ওইনা খাইদগী চাওবা ব্লেফ্ট ওর্গনাইজেসন ওইরিবা স্মাইল ত্রেইননা চহী অসিদা ক্লেস্ট সর্জরি মিল্লিয়ন ২ পাঙথোতুনা শিংখানিংঙাই ওইরবা চহী অমা ওইনা লৌরি। মসিগী মনুংদা ইন্দিয়া খণ্ডদা ক্লেষ্ট সর্জরি লাখ ৭ পাঙথোকগ্রে হায়রি। থৌরম অদুদা স্মাইল ত্রেইনগী সেনিয়ার ভাইস প্রসিদেন্ট মমতা এরোলনা হায়খিবদা, ক্লেস্ট অসি সর্জরি তৌরগা যহনবা গুম্মী হায়বদু মঙাল অসিনা থাজবা উৎলবনি।

মণিপুরগী ওইনসু সিজ হোস্পিটাল এন্দ রিসার্চ ইন্সটিট্যুটনা স্মাইল ত্রেইনগা পুন্না থবক তৌমিন্নরি হায়খি। সিজ হোস্পিটাল এন্দ রিসার্চ ইন্সটিট্যুটকী মেনেজিং দাইরেত্তর ডাঃ কেঐচ পালিননা হায়খিবদাহোস্পিটাল অসিনসু মণিপুরদা ক্লেফ্টনা শোকহল্লবা অঙাং ৪,৬০০ হেনবদা ক্লেষ্ট সর্জরি মায় পাক্স পাঙথোকত্রে। সর্জরি খক্তনা হায়রিবা প্রোজেক্ট অসিনা লেম্না লায়েংবা, লেম্না লৈফম চাফম, চত্থোক চৎশিন, স্পিছ থেরাপি অমসুং রিহেবিলিটেসনগী খুদোংচাবা পীরি হায়খি।