ইম্ফাল ৱেষ্ট অমসুং ইম্ফাল ইষ্ট দিষ্ট্রিক্ট অনীগী তোঙান তোঙানবা লম্বী অমসুং অতৈ মফমশিংগী মশক ফজহন্ননবা, লূ- নান্না লৈহন্দুনা মীয়ামগী হকশেলগী থাক ৱাংখৎহন্দুনা ষ্মার্ট ইম্ফাল সিটি প্রোজেক্ট পায়খৎলকপদা খ্বায়দগী মরুওইবা থৌদাং লৌদুনা নুংতিগী অমোৎ- অকাইশিং শেংদোকপগী থবক তৌরিবা ইম্ফাল ম্যুনিসিপাল কোরপোরেসনগী ষ্টাফশিং অসী ষ্টেট লৈঙাক্কি অথোরিটিনা মতম কুইনা মীৎয়েং চঙবিদবদগী হৌখিবা থা ১০ গী মতমসিদা রিম্যুনরেসন/ খূৎশূমন অমত্তা পীবীরক্তবনা হীংশাগী ঈরাং মায়োক্নরগা লৈরিঙৈ চৈরকশিদা লু কোকপদা লেন অমুক তাশিল্লকপগা চপ মান্ননা হেন্না অৱাবা মায়োক্নরগা লৈরে।
কোরপোরেসন অসীগী লৈফম থোকপা ষ্টাফ মশীংদি পূন্না ২৩৬ ওইগদবনি অদুবু মশীং শুদবদগী কেজুয়েল অমসুং মাষ্টর রোলদা লৈবা ষ্টাফশিং থারগা হৌজিক পূন্না ষ্টাফ ১৯১ না থবক তৌরি অদূবু হৌখিবা থা তরা চূপ্না খূৎশূমল পীবিরক্তবনা ঈমূং- মনূং পুবা ঙম্লক্তবদগী অতৈ, নোংমগী খূৎশুমল ফংগদবা থবকশিং শুবসু য়াওনরে হায়না পাউগী লীখূন অমনা ফোঙদোরক্লি।
মিনিষ্ট্রি ওফ অর্বান দেভলপমেন্ট কি মখাদা ষ্টেট লৈঙাক্না ফন্দিং চেন্নেল্লাইজ তৌদুনা চল্লাইরিবা কোরপোরেসন অসিদা মনিপুর লৈঙাক্না ফন্দ পীথরক্তবা চহী অনীরোম শুরে হায়না পাউগী লীখূল অমনা ফোঙদোরক্লি। কোরপোরেসন অসীগী ওইনা হৌজিক রিগুলর ষ্টাফ ৮৬, কন্ট্রেক্ট ষ্টাফ ২৮,মাষ্টররোল ষ্টাফকি মশীংনা ৭৭ নি হায়রি।
