ঈলেক্সন হায়বসি ব্যুটি কন্টেষ্ট অমা নত্তে,হন্দক্কি ১৮ শুবা লোক সভাগী মীখলদা মায় শোয়দনা পাক্লগদবা ওপ্পোজিসন পার্টি ইন্দিয়া ব্লোকনা মীফম অমা পাঙথোক্তুনা কন্সেন্সস অমা পুরকপগা লোয়ননা প্রাইম মিনিষ্টর অমা খল্লগনি, মদু অরুবা ৱাফম নত্তে, ইস্যু অমসু নত্তে হায়না কংগ্রেস পার্টিগী জেনরেল সেক্রেটরি জয়রাম রামেসনা ফোঙদোকখ্রে।
ওপ্পোজিসন ইন্দিয়া ব্লোককি প্রাইম মিনিষ্টরিয়েল কেন্দিদেট পুথোক্তবগী মতাংদা বি জে পিনা ঈলেক্সন কেম্পেইনশিংদা ঙাইহাক লৈতনা ফোঙদোক্তুনা ইস্যু ওইনা শাগৎনবা হোৎনরিবদু কা হেন্না ৱাবীরুরগনু, নখোয়- ঐখোয়গী অপূনবা, মতীক খ্ব্বাইদগী চারবা লৈবাক অসীগী প্রাইম মিনিষ্টর অমা পুথোকপা হায়বসি পূং খরখক্কি মনূংদা থবক ওইনা পাঙথোক্কনি, লাক্লিবা জূন ৪ ফাওবদং ঙাইবিরো, লাঙতক্নবিরগনু হায়না রামেসনা করেম্নরদুনা বি জে পিগী পাউখুম পীখিবনি।
ওপ্পোজিসন ইন্দিয়া ব্লোক অসীদি মখোয়গী অমত্তা ওইনা য়ান্নরবা প্রাইম মিনিষ্টরগী কেন্দিদেট ঙসীফাওবা পুথোকপা ঙমদবা মরম্না চহী মঙাগী টার্ম দা সাসন পায়রকপা তারবসু প্রাইম মিনিষ্টর অমমম্না চহী অমমম ফম পায়নদুনা লৈবা তাবনি। মরম অদুনা মখোয়গীদি চহী মঙাগী টার্ম দা প্রাইম মিনিষ্টর মঙা লৈবা তাবনি হায়না হন্দক পাঙথোকখিবা মীখলগী রেল্লি অমদা ৱা ঙাঙখিবদা প্রাইম মিনিষ্টর নরেন্দ্র মোদিনা ফোঙদোকখিবনি।
