আই.আই.এম. শিল্লোংদা পাংথোকপা নোর্থ ইস্ত স্কিল দিবেলপমেন্ত অমসুং ওন্তপ্রিনোরশিপ কনক্লেব ২০২৪দা ইকাই খুম্নরবা মন্ত্রী জয়ন্ত চৌধরীনা ওন্তপ্রিনোরশিপ দিবেলপমেন্ত সেন্তর (ই.দি.সি.) ৩০ শঙ্গাখিবগা লোয়ননা ভারতকী অৱাং-নোংপোক লমদম অসি ওন্তপ্রিনোরশিপ অমসুং স্কিল দিবেলপমেন্তদা অহোংবা পুরক্নবা শেম শারি। থৌরম অসিনা লমদম অসিগী ওইথোকপা য়াবশিং অসি পুন্না হোৎনমিন্নদুনা শীজিন্নবা পান্দম থম্মিবা “এক্ত ফার্স্ত ফোর নোর্থইস্ত” ইনিসিএতিবকী মাইলস্তোন অমা ওইরি।
মন্ত্রী চৌধরীনা রিসর্জেন্সকী মঙলান অমা ফোংদোক্লদুনা হায়খি, “ঐখোয়গী অৱাং-নোংপোক্কী রাজ্যশিংনা রিসর্জেন্স থেংনখি, মখোয়গী মরুওইবা মফম অদু অমুক হন্না রিক্লেম তৌরি।” কনক্লেব অসিনা লুচিংবশিং, ইন্দস্ত্রী এক্সপর্তশিং, অমসুং একাদেমিসিয়নশিংবু রিজনেল কোওপরেসন অমসুং ইন্নোভেসনগী লম্বীশিংগী মতাংদা খন্ননবা পুনশিনখি, মসিনা ইন্দস্ত্রীএল ত্রেনিং ইন্সতিত্যুৎশিং (আই.তি.আই.) অপগ্রেদ তৌবা অমসুং মার্কেৎ দিমান্দশিং থুংহন্নবা ত্রেনিং ফ্রেমৱার্ক ফগৎহন্নবা মীৎয়েং থম্মি।
ইনক্যুবেসন সেন্তর (আই.সি.) মরি লিংখৎনবা অমসুং ওন্তপ্রিনোরশিপ প্রোগ্রাম কয়া অমা পায়খৎনবা থৌরাং তৌদুনা, ইনিসিএতিব অসিনা নহাশিংদা শক্তি পীনবা, স্তার্তঅপ ৯০০ শেমগৎপা অমসুং লোকেল ক্রাফ্তমেনশিপপু মপাঙ্গল কনখৎহন্নবা পান্দম থম্লি। স্কিল ইন্দিয়া মিসনগী মখাদা চহি ২০১৫দগী হৌদুনা কেন্দিদেৎ লাখ ১৩.৪০ হেন্না ত্রেন তৌখ্রে অমসুং লুপা করোর ৮৫৭.৮৪গী এলোকেসন তৌখ্রে, মসিনা অৱাং নোংপোক লমদম চাউখৎহন্নবা সরকারনা লৌরিবা থৌদাং অদু উৎলি।
