নীংশীংশিংবা থোক্ট্রবা মতম হায়বদি লাইগা তাইবং মীওইবগা শম্নরগা লৈরিঙৈ মতমদগী গোৱা হায়রিবা লমদম অসী মনীংতম্বা, নিংথৌ পানবা লৈপাক অমা ওইনা লৈরকখিবনি। পোর্টু গিজশিংনা মফম অসীবু খূদূম চন্দুনা চহী কয়ামরুম কোলোনিয়েল লৈঙাক্কি মখাদা লমদম অসীগী মীয়াম্না মীনায় নাইথাঙগী পুন্সিদা লেল্লুরবা মতূংদা পোর্টুগিজশিংদগী ইন্দিপেন্দেন্স ফংলকখি। ফোরেন্নরশিং অদুনা গোৱা থাদোক্তুনা চৎখ্রবা মতূংদা লম কারাম্বা ইন্দিয়ানা নম্ফূ-হাফু তৌদুনা ষ্টেট অসীগী মীয়ামগী অপাম্বা, অনীংবগী মায়োক্তা ইন্দিয়ান কন্সটিট্যুসন চৎনহনখিবনি হায়না সাউথ গোৱা লোক সভা সিট্টা কংগ্রেস কি টিকেট্টা মীরেপ ওইরিবা ভিরিয়াটো ফর্নান্দেজ না ফোঙদোকখিবা ৱাফম অমা মায়কৈ খরদগী য়ানিংদবা ফোঙদোক্নরকখ্রে।
কুমশিং ২০১৯ দা ফর্নান্দেজ না কংগ্রেস লুচিংবা রাহুল গান্ধিগা উনদুনা ৱারী শান্নখিবগি মতাং অমা পল্লদুনা ৱাফম অদু মহাক্না ফোঙদোক্লুবনি। কুমশিং ১৯৬১ দা গোৱা অসী পোর্টুগিজশিংদগী ইন্দিপেন্দেন্স ফংহৌখিবনি।
মহাক্না রাহুল গান্ধীগা উনখিবা মতমদুদা দিমান্দ তরানিথোয় থাঙ্গৎখিবগী মনূংদা গোৱাগী মীয়ামদা দুৱেল সিটিজন্সিপ পীগদবনি হায়বসিসু মরূওইবা অমনি হায়খি। মহাক্কি ৱাফম অদু প্রাইম মিনিষ্টর অমসুং বি জে পিগী সেনিয়র লিদর নরেন্দ্র মোদিনা খম থেংনা য়ানীংদবা ফোঙদোকখি।
