ফ্রী মূভমেন্ট রিজিম থা তরুক সস্পেন্দ তৌদুনা লৈরি, য়াঙৌবুং এরিয়াদা ম্যান্মারিজ কয়ামরুম নৌনা চঙশীল্লক্তুনা লৈশিল্লরে

চৎলিবা চহী অসিগী হৌখিবা ফেব্রুয়ারী ৮ দা ইন্দিয়া-ম্যান্মার অনীগী মরক্তা চৎনরিবা ফ্রী মূভমেন্ট রিজিম ( এফ এম আর) লৌথোকনবা ৱারেপ লৌখ্রবা মতূংদা মনিপুর লৈঙাক্না ফেব্রুয়ারী ১৬ তা ওর্দর অমা নৌনা থোরক্তুনা ইন্দো-ম্যান্মার বোর্দরগী মনিপুরগী লমখৈ শরুক্তা ফ্রী মূভমেন্ট রিজিম অসি লাক্লিবা থা তরুক্কি ওইনা সস্পেন্দ তৌরে হায়না লাউথোকখ্রবনি। মিনিষ্ট্রিনা এফ এম আর খূদক্তগী স্ক্রেপ তৌনবা অমসুং খূদক্তগী সস্পেন্দ তৌননবা খঙহল্লকখিবা অদুগী মতূং ইন্না ষ্টেট লৈঙাক্না ফেব্রুয়ারী ১৬তা ওর্দর অদু থোকখিবনি।

ম্যান্মারগা তাইনরিবা অৱাং নোংপোক্কি ষ্টেট শিংদা ম্যান্মারিজ কয়ামরুম নৌনা চঙশীল্লক্তুনা দিমোগ্ৰাফিক ইম্বেলেন্স কয়ামরুম লমদমসিদা থোকহল্লক্লিবনি।মসিদগী কোকহন্নবা ইন্দিয়া লৈঙাক্না অনৌবা থৌশিল অসি পায়খৎলকখিবনি। অদূম ওইনমক ম্যান্মারিজ কয়ামরুম নৌনা চঙশীল্লক্তুনা দিমোগ্ৰাফিক ইম্বেলেন্স কয়ামরুম থোকহনবগী থৌওং অসিদি ঙসীসু অদুম্মক উবা ফংলি হায়রি। লৈবাক অসিগী ঙমখৈ ঙাক্লিবা সেক্যুরিতি ফোর্সশিংনা ঙসী কদায়ফাওবা মপূংফানা ঐখোয়গী ঙমখৈ অসি ঙাক্তুনা লৈরিবগে হায়বসি ঙসীসু অচৌবা ৱাহং অমা ওইনা লৈরি।

তেংনৌপল দিষ্ট্রিক্টকি মোরে সব-দিভিজন মনুংদা লৈবা ইন্দো-ম্যান্মার বোর্দরগী পিল্লর নম্বর ৭৪ অমসুং ৭৫ মনাক্তা লৈরিবা য়াঙৌবুং এরিয়াদা কুকি নেসনেল আর্মি, বরমা অমসুং কুকি নেসনেল আর্মি, ইন্দিয়া অনি অসিনা ম্যান্মারিজ কুকি কয়ামরুম মনিপুর মনুংদা পুশিল্লকপগী থবক লেপ্তনা চত্থরদুনা লৈরি। হায়রিবা ম্যান্মারিজ কুকি শিং অসী তামু দিষ্ট্রিক্ট কি মনুংদা লৈবা খাম্পাৎ ভিল্লেজদা হৌখিবা এপ্রিল ২১ দা ম্যান্মারিজ আর্মিনা চত্থরকখিবা এয়রষ্ট্রাইকতা ময়ূম-মকৈ মাঙ-তাকখিদুনা চেনশীল্লকপদা কুকি নেসনেল আর্মি না চঙজফম পীদুনা মনিপুরগী লমদা লৈরকখিবনি।য়াঙৌবুং ভিল্লেজ অসি হৌজিক মোরেদা লৈরিবা মঙাশুবা আসাম রাইফলসনা কন্ট্রোল তৌরিবা মফম অমনি। মোরেদা লৈরিবা মনিপুর পুলিস পার্সনেলশিংদা কুকি লালহৌবশিংনা এট্টেক তৌননবসু কন্না শেম-শাদুনা লৈরি হায়রি।