লৈবাক অসীগী মফমশিং শীন্থুংবদা পাঙথোকপগুম ককচিং দিষ্ট্রিক্ট কি ওইনসু ষ্টেট লিটরেসি মিসন অথোরিটি অমসুং দিষ্ট্রিক্ট লিটরেসি মিসন অথোরিটি ককচীঙ না খূৎশম্নদুনা দিষ্ট্রিক্ট অসীগী তোঙান তোঙানবা সেন্টর ৩১ দা ফাউন্দেসন লিটরেসি এন্দ ন্যুমরেসি এসেসমেন্ট টেষ্ট পাঙথোকখ্রে।
মশাগী চহী ১৫ গী মথক্তা লৈরবা, ফোর্মেল ইদুকেসন ফংহৌদ্রবা মীওইশিং ইবা-পাবা ঙমহন্ননবা, লাইরিক ময়েক চৎহনবা ঙম্ননবা পান্দমদা প্রোগ্ৰাম অদু পাঙথোকপনি হায়না টেষ্ট অদূ য়েংশিনবা লাকখিবা ককচিং দিষ্ট্রিক্ট কি জেট ই ও এম রাকেশনা ফোঙদোকখি।লাইরিক ময়েক চৎহৌদ্রবা মীওইশিং বেসিক লিটরেসি অমদি বেসিক ন্যুমরেসি ফংহন্ননবা পান্দমদা লৈঙাক্না থৌরাং অসী লৌখৎলকপনি।
প্রোগ্ৰাম অসীনা লাইরিক তমহৌদ্রবা মীওইশিং মপূঙ ফানা ময়েক চৎপা ঙমহল্লগনি হায়না রাকেশ না ফোঙদোকখি।
প্রোগ্ৰাম অদূদা এদল্ট লার্নর ৫৬৭৭ এনরোল তৌরকখি হায়বা ৱাফমসু জেট ই ও অদুনা খঙহল্লকখি।
