রোদহোক 2zকা লোয়ননা ফায়রস্তোন্না গারী থৌবগী তুলমচৎতা ওইরক্কদবা অদু ফোঙদোকখ্রে

ফায়রস্তোন্না অফতরমার্কেৎকীদমক শাখিবা নেক্স-জেনরেসন তায়র, ফায়রস্তোন রোদহোক 2z পুথোকখ্রে। এদভান্স তেক্নিকেল ফীচরশিং অমসুং চহি-5গী ৱারেন্তী য়াওরবা রোদহোক 2zনা মাগী তোপ-তোপ্পা পরফোর্মেন্স, সেফতী হেনগৎহল্লবা, সুপেরিয়র মাইলেজ অমসুং অফবা ব্রেকিং কেপাবিলিতীশিংগা লোয়ননা অনৌবা ইন্দস্ত্রী স্তেন্দর্দশিং শেমখ্রে।

হেৎচবেকশিং, সেদানশিং অমসুং CUVশিংগীদমক অখন্ননা দিজাইন তৌখিবা রোদহোক 2z অসি ইঞ্চ 12-16গী রিম কবরেজকা চান্নৈ। চীফ কম্মর্সিএল ওফিসর, শ্রী রাজর্শি মোইত্রানা প্রদক্ত এসেপ্তেন্সতা থাজবা থম্লদুনা হায়খি, “অমেরিকাগী মমিং লৈরবা তায়র ব্রান্দ পুথোকপা অমসুং ঐখোয়গী প্রদক্ত ওফরিংশিংদা রোদহোক 2z  য়াওহনবা অসি ঐখোয়গী ওইনা চাউথোকচনীংঙাই ওইবা মীকুপ অমনি”।

মাইলেজ হেনগৎহন্নবগী দিমান্দ অদু কোকহল্লদুনা তায়র অসিদা কার্বোন ব্লেক রেসিও ৱাংবগা লোয়ননা অখন্নবা কম্পাউন্দ অমা হাপ্পি, মসিনা রোলিং রেজিস্তেন্স হেনগৎহল্লি অমসুং চাথৎপা হন্থহল্লি। মপাঙ্গল কনবা মেতরিএলশিং শীজিন্নবনা ব্রেকিং পরফোর্মেন্স হেনগৎহল্লি, মসিনা লম্বীশিংদা সেক্যুর গ্রিপ ঙমহল্লি। রোদহোক 2zকী অপুনবা মপাঙ্গল অসি হেনগৎহন্নবগা লোয়ননা শিয়র স্ত্রেস হেনগৎহন্নবা অমসুং স্লিপ্পেজ ৱার্ক হন্থহন্নবা অসিনা ফায়রস্তোন্না ক্বালিতী অমসুং ইন্নোভেসনগীদমক ফিরেপ চেৎনা লেপ্পী তাক্লি।