একজামিনেসন থাগদৌরিবা মহৈরোইশিংদা সিবিএসই না এদভাইজরি ইস্যু তৌরকখ্রে

ঙসী ফেব্রুয়ারী ১৫দগী হৌগদৌরিবা সেন্ট্রেল বোর্দ  ওফ সেকেন্দরি ইডুকেসন(সি বি এস ই) না লৌবা ক্লাস টেন অমসুং ট্যেল্বকি একজামিনেসন অসিগী মতাংদা সেন্ট্রেল বোর্দ ওফ সেকেন্দরি ইডুকেসননা মহৈরোয়শিংদা এগজামিনেসন  অসিগী মতাংদা তৌগদবা  অমসুং তৌরোইদবা কয়াগী মতাংদা এদভাইজরি ইস্যু তৌরকখ্রে। এগজাম অসি অয়ূক পূং তরা মখায়দগী চপ চানা হৌগনি হায়রি। মসিগা লোয়ননা মহৈরোয়শিংনা এগজাম হৌদ্রিঙৈ মমাঙদা অয়ূক পূং তরা তাবদা মশা মশাগী এগজাম সেন্টরদা রিপোর্ট তৌগদবনি হায়রি।

হৌজিক নেসনেল কেপিটেল দিল্লীদা লৌমীশিংনা এজিটেসন চঙশীল্লিবা অসিনা মরম ওইদুনা ট্রাফিক জাম থোক্লিবা মীয়াম অসিগী য়েংলগা মহৈরোয়শিংনা এগজাম সেন্টরদা লাকপা মতমদা অকায়বা, খুদোংচাদবা কয়া মায়োক্নব লৈরকপা য়াবনা এদভাইজরি অসী ইস্যু তৌরকখিবনি। এগজাম লোইরবা মতূংদা মহৈরোয়শিংনা এগজাম সেন্টরদগী খোঙলৈ থুনা মশাগী য়ূমদা চৎখিনবা হোৎনগদবনি। মেট্রো ট্রেন সর্ভিসকি খুদোংচাবা মহৈরোয়শিংনা লৌনবা হোৎনগদবনি।

লৌমীশিংনা এজিটেসন চঙশীল্লিবা অসিনা মরম ওইদুনা মহৈরোয়শিংনা এগজাম সেন্টরদা লাকপা অমসুং মফমশিং অদুদগী ময়ূমদা হনখিবা খুদোংচাদবা কয়া মায়োক্নব লৈরকপা য়াবনা এদভাইজরি অসী ইস্যু তৌবনি হায়রি। মেট্রো ট্রেন সর্ভিসকি খুদোংচাবা মহৈরোয়শিংনা লৌনবা হোৎনগদবনি। ট্রেনশিং অদু তোংবনা মহৈরোয়শিংগী চৎথোক-চৎশীন তৌবদা খ্বাইদগী খুদোংচাবা ওইগনি হায়রি।