নামামি রিভর প্রোজেক্ট মখাদা ঈকোপ পাৎ অমসুং পাৎ অসিদা ঈতীল্লরিবা তুরেলশিংগী খোঙনুং শেংদোক্ননবা থাগৎখিবা দিপিআর গী চে- চাংশিং মরী লৈনবা ওফিসশিংদা লৈরমদ্রে হায়রি। অসীগুম্বা মওং মরীল তাদবা থৌওংশিং চত্থরিবসি য়েংশিনবিয়ু হায়না খাঙবোক কেন্দ্র য়ং ফার্মর্স দেভলপমেন্ট ওরগনাইজেসন্না পেন্দবগা লোয়ননা অকনবা মওংদা মরী লৈনবা ওথোরিটিগী মীৎয়েং চিংশিল্লক্লি।
হীরম অসীগা মরী লৈননা ঙরাং ইম্ফালদা লৈবা মনিপুর প্রেস ক্লবতা পাঙথোকখিবা পাউমীশিংগা উনবগী থৌরমদা ওরগনাইজেসন অসীগী সেক্রেটরি দা. অকোয়সনা সিংহনা হায়, পুৱারিগা শাগোন্ন দুনা লৈরবা ঈকোপ পাৎ অসীদা হৌরিবা কান্নদ্রবা পাম্বীশিং অমসুং পাৎ অসীদা তারক্লিবা তুরেলশিংদা লৈরিবা অমোৎ- অকায়শিং শেংদোক্নবা নামামি রিভর প্রোজেক্ট কি মখাদা থবক পায়খৎনবা দিপিআর থাগৎখ্রবসু চে-চাং অমত্তা লৈরমদবনি হায়রি।
হীরম অসীগী মতাংদা মরী লৈনবা অথোরিটিনা য়েংশিনবিয়ু হায়না মহাক্না ফোঙদোকখিবগা লোয়ননা করিগুম্বা লৈঙাক্কি ওথোরিটিনা মীৎয়েং চঙবীরক্ট্রবদি অকনবা খোঙজং চঙশীল্লগনি হায়খি।
