ইষ্ট টিমোর লৈঙাক্কি প্রসিদেন্ট দা. জোর্স রামোস হোর্টাগী স্পেসিয়েল এনভোই ওইনসু লৈরিবী, মালেমনা শকখঙনরবী ক্লাইমেট অমসুং এনভাইরনমেন্টেল এক্তিভিষ্ট লিসিপ্রিয়া কাঙুজমনা য়াম্না কন্না লৈঙাক অদূদা তকশীন্দুনা লাকপগী মহয়না মনিপুরগী মহৈরোয়শিংগীদমক এম বি বি এস তম্ননবা সিট মঙা খাক্তুনা থম্লে হায়রি।
লিসিপ্রিয়া কাঙুজমনা লৈবাক অদূগী প্রসিদেন্ট অমসুং ইদুকেসন মিনিষ্টরদা মমাঙদগী হৌনা লৈবাক অদুদা মনিপুরগীদমক এম বি বি এস তম্ননবা চহী খূদীংগী সিট ১০/১০ রিজার্ব ওইনা থম্বীনবা তক্নদুনা লাকখ্রবা মতূংদা মহাক্কি ৱাফম অদুদা অয়াবা পীবা ওইনা সিট মঙা খাক্তুনা থম্লে হায়না থা অসীগী তরূক্তা লৈঙাক্না মঙোন্দা খঙহল্লকখিবনি হায়রক্লি।
নিট এগজাম পাস তৌরবশিংনা খুদোংচাবসি লৌহৌবা য়ারগনি। অকূপ্পা মরোলগীদমক লিসিপ্রিয়াগী মোবাইল ফোন নম্বর ৬০০৯০৫৯৩৪৯ দগী মরী লৈনবা কেন্দিদেটশিংনা খঙবীবা য়াগনি হায়রি। মসীগীদমক ফোর্ম থাজিনবগী অরোয়বা মতম চৎলিবা নবেম্বর থা অসীগী ১২ নি। লাক্লিবা দিসেম্বরদগী সেসন হৌরগনি হায়বা ৱাফমসু লিসিপ্রিয়ানা প্রেসতা চেরোল থাদোরক্তুনা খঙহল্লক্লি।
সিল্লেবস, কারিক্যুলম্নচিংবা ইন্দিয়াগা ঙম্নমক চপ মান্নৈ অদুগা ফী সু য়াম্না হোঙঙি হায়রি। এম বি বি এস তম্ননবা খল্লবশিংগী কাউন্সেল্লিং হৌরে অদুগা মনিপুরদগী খনগদবশিং অদুনা দিল্লিদা লৈরিবা ইষ্ট টিমোরগী এম্বাসিদা পাঙথোক্কনি হায়রি।
