দাক্তর নূপী রেপ তৌদুনা হাৎখিবা থৌদোক্কি মতাঙদা সুপ্রিম কোর্ট না ঙসী হিয়ারিং চত্থগদৌরি

লৈবাক অসীগী মীয়ামগী পূক্নিঙ ৱাখলদা কা হেন্না নুঙাইতবা পোকহনবগী মথক্তা মেদিকেল ফ্রেটরনিটিগী ওইনা খ্বায়দগী থম্মোয় শোকহনখিবা থৌদোক অমা ওইরিবা কোলকত্তাগী দাক্তর নূপী অমবু রেপ চত্থরবা মতূংদা হাৎখিবা তমথিরবা থৌদোক অদুগী মতাংদা লৈবাক অসীগী খ্বায়দগী মকোকথোংবা ৱায়েন লোয়শঙ অমা ওইরিবা সুপ্রিম কোর্টনা কেস অমা সু মোটু ওইনা লৌখত্তুনা ঙসী থৌদোক অদুগী মতাংদা হিয়ারিং চত্থগদৌরি।

ঙসী সুপ্রিম কোর্ট কি চিফ জষ্টিস দি ৱাই চন্দ্রচুদনা লুচিংবা এপেক্স কোর্ট অসীগী জজ অহুমগী বেঞ্চ অমনা হিয়ারিং অদু চত্থরগনি হায়রি। কেস অসীগী হিয়ারিং হান্ননা কোলকত্তা হায় কোর্টনা চত্থরদুনা লৈরিবনি। মমাঙ চয়োলদা চত্থখিবা হিয়ারিং অমদা কেস অদু সেন্ট্রেল ব্যুরো ওফ ইনভেষ্টিগেসন (সি বি আই) দা শিন্ননবা খঙহনবসু লৈখ্রবনি। হৌখিবা নোংমাইজিং নুমিৎ ফাওবদা ষ্টেট পুলিশ তা শিন্ননবা চিফ মিনিষ্টর মমতা বেনরজিনা পীখিবা দেদলাইন অদূগী মথক্তা হায় কোর্ট অদুনা হিয়ারিং চত্থরদুনা সি বি আইদা শিন্নবগী ওর্দর অদু তাখিবনি। অহৌবা মতমদগী হৌজিকফাওবদা কেস অদু ষ্টেট পুলিসনা পায়বগা মরী লৈননা মীয়াম্না পেন্নদবগী খোল্লাউ কয়ামরুম লাউদুনা লাক্লিবনি হায়রি।

মীয়ামদা ফোঙদোকপা অমসুং ফোঙদোক্তবা রেকোর্দ মতূং ইন্না, লৈখিদ্রবী দাক্তর অদুদা লৈরম্লিবা অশোকপগী দাগশিং অদূ য়েংলবা মতূংদা থৌদোক অদু এত্তেক্কর অমখক্না চত্থবদি ওইরোই হায়রি। পুলিসনা অশিবা হকচাং অদু হাথু-হাথুনা লৈরোল চনখি হায়না মীয়াম্না মায়কৈ কয়াদগী মরাল কয়ামরুম শীনরকখিবনি অদুবু কোলকত্তা পুলিসনদি মদূবু য়ানিংদবা ফোঙদোক্লিবনি।