দিষ্ট্রিক্ট হোস্পিটাল জিরিবামগী ও পি দি অমসুং সি এম ওগী ওফিস মীয়াম্না সো লোন্সীন্দুনা খোঙজং চঙশীনখ্রে

দিষ্ট্রিক্ট হোস্পিটাল মোনিটরিং কম্মিটি জিরিবাম অমসুং মীয়াম্না খূৎশম্নদুনা ঙরাং অয়ূক পূং তরামাথোইরোম তারকপদা জিরিবাম দিষ্ট্রিক্ট হোস্পিটালগী ও পি দি অমসুং দিষ্ট্রিক্ট অসীগী চিফ মেডিকেল ওফিসার (সি এম ও) গী ওফিস সো লোন্সিনখ্রে।
মীয়াম্না মমাঙ থা, আগষ্ট কি ১৮ দগী হৌনা, লৈঙাক্না ট্রান্সফর তৌখিবা সি এম ও ভোরোৎ অমসুং অতোপ্পা দাক্তর অনী অদূ দিষ্ট্রিক্ট অসীদা অমুক হন্না পুশিল্লক্তুনা মখোয়গী হান্নগী পোষ্টিং মফমদা লেঙদনা থম্বিয়ু হায়না অকনবা দিমান্দ তৌদুনা লাকখিবনি। অদূম ওইনমক লৈঙাক্না পোজিটিব ওইবা থবক অমত্তা লৌখত্তনা লৈরকপদগী জিরিবাম দিষ্ট্রিক্ট তা অনা-লায়েংগা মরী- লৈনবা থবক থৌরমশিংদা চাউনা চৈথেং পীদুনা লাকখিবনি।
হৌজিক লৈরিবা সি এম ও ইন-চার্জ অদু মীয়াম্না পামদে। মীয়ামদি লায়রদনা হোস্পিটাল অদুদা ট্রান্সফর পোষ্টিং লাক্কদবা অতৈ দাক্তরশিং অমসুং মেদিকেল ষ্টাফশিংসু হৌজিক লৈরিবা সি এম ও অসীগী মখাদা থবক তৌবা পামদে হায়না খঙহল্লকপা কয়া লৈ হায়না খোঙজঙ চঙশিল্লিবা মীয়াম অদুনা ফোঙদোরকখি। মীয়াম্না খুদোংচাদবা কয়া মায়োক্নরবসু লৈঙাক্না খঙশীন- উশিন্নদনা লৈরিবা অসিদা খোয়শাওনরবা মায়কৈ অদোমগী মীয়াম্না ঙরাং অয়ুক পূং ১১ রোম তারকপদা ও পি দি অমসুং সি এম ওগী ওফিসশিং সো লোনশীনবনি হায়না পাউমীশিংগা উনবদা ফোঙদোরকখিবনি।
লৈঙাক্না অথুবা মতমদা দাক্তর অহুম অদু অমুক হন্না থারক্ট্রবদি হেন্না কনবা খোঙজঙ চঙশীল্লগনি হায়খি।