চৎলিবা মার্চ থা অসীগী ১৪ দা অকনবা নোংলৈ নুংশিৎ অমনা ইম্ফাল ইষ্ট দিষ্ট্রিক্টকি লম্লাই কেন্দ্রগী মনূঙচনবা য়ৌরবুং খূনৌদা লৈবা য়ূম কয়ামরুম হুমদোকখিবদগী লৈফম -চাফম লৈতদুনা অৱাবা তারবা খুঞ্জাশিংদা মায়কৈ অদোমগী সোসিয়েল ৱার্কর অচোইবম দেবেন্না য়ূম নৌনা শাননবা শেলগী তেঙবাং খূৎশীন্নখ্রে।
লমদম অদূগী এম এল এ ওইনা লৈরিবা বি জে পিগী লুচিংবা খোংবান্তাবম ইবোমচানা মীয়ামগী মতেং অমত্তা পাংননবা থবক পায়খৎলক্তবসি য়াম্না লাইবক থীবনি, মহাক্কি থৌওং অদূ পেন্দে হায়না অৱাবা তারবা মীওইশিং অদূনা ফোঙদোকখি।
মমাঙদা লম্লাই কেন্দ্রগী এম এল এ ওইরম্লবা খেত্রিময়ূম বিরেনসু মীয়ামগী অৱাবা মায়োক্নরবা মীকূপসিদা করিগুম্বা মখল অমত্তগী মতেং পাংলকপা লৈত্রি হায়না দেবেন্না পেন্দবা ফোঙদোকখি।
