দেলোইৎ ইন্দিয়ানা রিজনেল বিজিনেসশিংদা এক্সিলেন্স ফংবগী নুংঙাইবা ফোংদোক্নবা এন্তরপ্রাইস গ্রোথ এৱার্দ ২০২৪গী এন্ত্রীশিং তৌরক্নবা কৌখ্রে

দেলোইৎ ইন্দিয়ানা অৱাং, খা, নোংপোক অমসুং নোংচুপ থংবা ভারত্তা লৈরিবা থোইদোক-হেন্দোকপা ফেমিলী-ওন বিজিনেসশিং, য়ুনিকোর্নশিং অমসুং সোনিকোর্নশিংনা শরুক তম্ববু শকখঙলদুনা এন্তরপ্রাইস গ্রোথ এৱার্দস ২০২৪ (ই.জি.এ. ২০২৪)গী অহানবা ইদিসন হৌদোকখ্রে। শরুক য়ানবা হৌজিক হাংদোক্লবা রিজনেল এৱার্দশিং অসিনা শীংথানীংঙাই ওইবা লীদরশিপ, ভিজন অমসুং গ্রোথ উৎলিবা অমসুং মখোয়গী লোকেল কম্ম্যুনিতীশিং চাউখৎহনবদা চাউনা শরুক তম্মিবা কম্পনীশিংবু নুংঙাইবা ফোংদোক্লি।

এৱার্দকী প্রোসেস অসি ফাইনান্সিএল পরফোর্মেন্স, ইন্নোভেসন অমসুং খুন্নাইদা পীবা কান্নবা অসিগুম্বা মরু ওইবা ক্রাইতেরিয়াশিংদা য়ুম্ফম ওইবা কম্পনীশিং চেকশিন্না ইভাল্যুএৎ তৌগনি। ফেমিলী বিজিনেসশিংনা শরুক য়ানবগী ক্রাইতেরিয়াশিংগী মনুংদা অমা হায়রগনি অচৌবা প্রমোতর ওনরশিপ (চাদা ২৬  হেন্না) ওইবগা লোয়ননা সেল্স তর্নওভর অসি লুপা করোর ১,০০০ অমসুং লুপা করোর ৫,০০০গী মরক্তা লৈবা ওইগদবনি। য়ু.এস. দোলর মিলিয়ন ৫০০ অমসুং য়ু.এস. দোলর বিলিয়ন ১গী মরক্তা ভেল্যুএসন লৈবা স্তার্তঅপশিংনা এপ্লাই তৌনবা দরখাজ কৌরি। এৱার্দশিং অসিনা কম্পনীগী গ্রোথ জর্ন অমসুং মখোয়গী কম্ম্যুনিতীশিদা শরুক তম্লিবশিং অদু খঙদোক্নবা মমাংগী চহি অহুমগী ফাইনান্সিএল রেকোর্দশিং রিভ্যু তৌগনি।

ভারতকী তোঙান-তোঙানবা মফমশিংদগী ফেমিলী বিজিনেসশিং, হৌগৎলক্লিবা গ্রোথ কম্পনীশিং, য়ুনিকোর্নশিং অমসুং শোনিকোর্নশিং অসি ঐখোয়গী শেন্মিৎলোনগীদমক য়াম্না মরু ওই, অদুম ওইনমক মখোয়শিং অসি অয়াম্বা মতমদা মশক খঙবিদনা লৈরি। হায়রিবা কম্পনীশিং অসিনা রিজনেল দিবেলপমেন্ত অমসুং নেস্নেল প্রোগ্রেসতা মরুওইবা থৌদাং অমা লৌরি। মখোয়না থবক ফংহন্নবা, ইন্নোভেসন অমসুং শেন্মিৎলোন চাউখৎহনবদা চাউনা মতেং পাংলি। ই.জি.এ. হৌদোক্তুনা, ঐখোয়না ইন্দস্ত্রী অসিগী অয়াম্বা মতমদা মীৎয়েং চংদবা চেম্পিয়নশিং অসিবু ময়েক শেংহন্নবা পান্দম থম্লি, মখোয়বু মখোয়না ফংফম থোকপা রিকগনিসন অদু ফংহন্নবা হোৎনরি। মখোয়গী এচিবমেন্তশিং অসি সেলেব্রেৎ তৌদুনা, ঐখোয়না ভারত শিনবা থুংনা হাই গ্রোথ কম্পনীশিংগী দাইনামিক নেৎৱার্ক অমা শেমগৎনবা হোৎনরি। ভারতকী তুংলমচৎকী ইকনোমিক গ্রোথতা মতেং পাংনবা অমসুং তুংকোইনা চাউখৎপা পুরক্নবা কোলাবোরেসন অমসুং নোলেজ শেয়রিং পুক্নিং থৌগৎলি। ঐখোয়না ইলিজিবল ওইবা কম্পনী পুম্নমকপু শরুক য়ানবা অমসুং ইনিসিএতিব অসিবু মায় পাকহনবদা পুক্নিং থৌগৎলি”, হায়না কে. আর. সেকর, পার্তনর অমসুং লিদর – দেলোইৎ প্রাইবেৎ, দেলোইৎ ইন্দিয়ানা ফোংদোকখি।

 “ই.জি.এ.গী খুত্থাংদা, ঐখোয়না বিজিনেসকী মায় পাকপগী মশক তাকপতা নত্তনা হেন্না তৌনবা পান্দম থম্মি। ঐখোয়না কম্পনীশিং অসিগী ইকাই খুম্নবা, রেসিলিয়েন্স অমসুং মতম শাংলবা কম্মিৎমেন্ত অদু খঙবা পাম্মি। ফেমিলী বিজিনেস, য়ুনিকর্ন অমসুং সুনিকোর্নশিংনা মখোয়না চাউখৎলকপা মতমদা অখন্নবা শীংনবশিং থেংনৈ, অমসুং মখোয়গী কম্ম্যুনিতিশিংদা কান্নবা মওংদা শরুক তমলগা মখোয়না মসিগী শীংনবশিং অসি মায়োক্নবা ঙম্বনা মখোয়গী ভেল্যুশিং অমসুং ভিজনগী মতাংদা ময়েক শেংনা তাক্লি। মসিগী খোঙথাং অসিনা মখোয়গী প্রিজর্ভেন্সপু মখোয়গী পরফোর্মেন্সগুম্না শকখঙনবনি। ঐহাক্না আশা তৌরি মদুদি এৱার্দশিং অসিনা কম্পনীশিংদা মখোয়গী খোঙচৎশিং শিয়র তৌনবা, অতোপ্পশিংদা ইথিল পীনবা অমসুং সস্তেনেবল অমসুং ইনক্লুসিব ইকনোমিক প্রোগ্রেসকী পাক চাউরবা পান্দমদা মতেং পাংনবা প্লেৎফোর্ম অমা ওইগনি,” হায়না ধিরাজ ভন্দারী, পার্তনর, দেলোইৎ ইন্দিয়ানা ফোংদোকখি। এৱার্দশিং অসিনা বিজিনেসশিংবু মরুপ-মপাংশিংগা নেৎৱার্ক তৌনবা অমসুং রিজনেল এৱার্দ ইভিনিং খুদিংগী ইন্দস্ত্রীগী লুচিংবশিংগা ৱারী শানবগী খুদোংচাবা পীগনি। এন্তরপ্রাইস গ্রোথ এৱার্দ ফংলবশিংনা মালেমগী ওইনা শকখঙনরবা মার্কী এৱার্দ প্রোগ্রাম, দেলোইৎকী বেস্ত মেনেজ কম্পনীজ প্রোগ্রামদা শরুক য়াবা য়াগনি।