ট্রায়েল কোর্ট দিল্লিনা নেস্নেল কেপিটেল দিল্লিগী চিফ মিনিষ্টর আর্বিন্দ কেজরিৱালগী বেল পীখিবদু হৌজিক মহাক্কি মথক্তা এনফোর্সমেন্ট দিরেক্তরেটনা বেল পীবীদনবা দিল্লি হায় কোর্ট তা থাঙ্গৎলকখিবা ৱাকৎ অমগা মরী লৈননা কেস পেন্দিংদা লৈরিবা অদুগী জজমেন্ট পীদ্রিফাওবদি বেল পীবা য়াখিরোই হায়না হায় কোর্ট অদুনা ওবজর্বেসন পীখিবগা লোয়ননা ষ্টে তৌদুনা থমখ্রে।
দিল্লি হায় কোর্ট কি জষ্টিস সুধির কুমারগী ভেকেসন বেন্সনা হায়খিবা মতূং ইন্না, ই দিনা আর্বিন্দ কেজরিৱালগী বেল ষ্টে তৌদুনা থমননবা থাঙ্গৎলকখিবা প্লি অদুগী মতাংদা ওর্দর অমা লাক্লিবা নুমিৎ নীনি-হুম্নি অসীদা তারগনি। চৈরকশিদা পেটিস্নর অমসুং রেস্পোন্দেন্ট শিংনা থেঙলবদা লাক্লিবা নিংথৌকাবা নুমীৎ ফাওবদা মখোয় মখোয়গী মায়কৈদগী অইবা সবমীসনশিং মখা তানা পীশীল্লকপসু য়াগনি হায়না বেন্স অদুনা লিবর্টি পীখি।
ট্রায়েল কোর্ট না আর্বিন্দ কেজরিৱালগী বেল পীখিবা অদুগী মায়োক্তা হায় কোর্ট অদুদা থাঙ্গৎলকখিবা ষ্টে এপ্লিকেসন অদুগী মতাংদা মরী লৈনবশিংদা নোটিস ইস্যুসু তৌখি। হায় কোর্ট অদুদা চত্থখিবা হিয়ারিংদা ইদিগী উকিলনা ট্রায়েল কোর্ট কি থৌওং অদু নাকল অমখক্তগী মীৎয়েংদা থবক তৌবনি হায়না য়ানিংদবা ফোঙদোকখি।
