নই দিল্লীদা ‘বিবিধাতা কা অমৃত মহোৎসব’ লোইশিনখ্রে

অৱাং নোংপোক্কী দাইভর্সিতীগী ইনাক খুল্লবা তেপেস্ত্রী উৎপদা মীৎয়েং থমখিবা বাইএনুএল এক্সত্রাভেগেঞ্জা ‘বিবিধাতা কা অমৃত মহোৎসব’কী অহানবা চেপ্তর মাইপাক্না লোইশিনখিবগা লোয়ননা রাস্ত্রপতি ভবন অসি কলচর মখল কয়া অমসুং অপুনবগী ফজরবা শক্তম অমা ওইখি। অহানবা ইদিসিন অসি ইকাই খুম্নরবা রাস্ত্রপতি, শ্রীমতি দ্রৌপদি মুর্মুগা লোয়ননা তুরিজম, কলচর অমসুং দিবেলপমেন্ত ওফ নোর্থ ইস্তর্ন রিজন ওফ ইন্দিয়াগী কেবিনেৎ মনিস্তর শ্রী জি কিশন রেদ্দী, আর্ত সাইন্সেসকী মিনিস্তর, শ্রী কিরেন রিজিজুনা হৌনবী মতুং ইন্না হৌদোকখি, থৌরম অসি অৱাং নোংপোক ভারতকী ইকাই খুম্নরবা MPশিং, ইকাই খুম্নরবা রাজ্যপালশিং কেবিনেৎ মন্ত্রীশিং অমসুং ওফিসিএল, মীথুংলেন অমদি বিজিতর কয়ানা থাগৎনরকখি।

ইকাই খুম্নরবা রাস্ত্রপতি, মুর্মুনা মীপুম খুদিংমকপু রাস্ত্রপতি ভবনদা তরাম্না ওক্লদুনা মহাক্কী ইথীল পীনিংঙাই ওইরবা ৱারোলদা রাস্ত্রপতি ভবনদা অৱাং নোংপোক ভারতকী ইনাক খুল্লবা তেপেস্ত্রী পুনশিন্দুনা উৎখিবগী থৌশিলসু শীংথাখি অমসুং শিল্লি-লাংলিবশিংবু থাগৎখি; মখা তানা প্রজাশিংদা পুক্নিং শুমহৎনীংঙাই ওইবা অৱাং নোংপোক ভারতকী ইনাক খুল্লবা দাইভর্সিতী অসি এক্সপরিয়েন্স অমসুং এক্সপ্লোর তৌনবা হায়খি।

থৌরম অসিদা দিবেলপমেন্ত ওফ নোর্থইস্তর্ন রিজন মন্ত্রালয়না মাগী CPSE, নোর্থইস্তর্ন হেন্দিক্রাফ এন্দ হেন্দলুমস দিবেলপমেন্ত কোর্পোরেসন লিমিতেদ (NEHHDC)গী খুত্থাংদা মেনেজ তৌখি। বাইএনুএল এক্সত্রাভেগেঞ্জা ইভেন্ত অসি ফ্রী এন্ত্রীগা লোয়ননা এন্তেন্দীশিং বর্তন তৌদুনা রাস্ত্রপতি ভবন মনুংদা পাঙথোকপা অমৃত উদ্যানগী উদ্যান উৎসব 2024গী শরুক অমা ওইনা পাঙথোকখিবনি।