চৎলিবা সেপ্তেম্বর থা অসীগী ২৩ দা মৈতৈ লীপূনগী থৌমী ৫০/৬০ রোম মহাক্কি য়ূমদা থোমজীল্লক্তুনা য়ূমদগী মপান থোক্লক্তননবা অকনবা ৱার্নিং তৌরম্বগী মতাংদা হ্যুমেন রাইটস এক্তিভিষ্ট বাব্লু লোইতোংবম্না শেংদোক ৱারোল থম্লকখ্রে। হ্যুমেন রাইটস এলার্ট (ঐচ আর এ) গী এগজিক্যুটিব দিরেক্তর ওইনসু থৌ পুরিবা বাব্লুনা হায়, বেঙ্গলোরদা বেজ তৌবা মনিপুর মৈতৈ এসোসিয়েসন বেঙ্গলোর( এম এম এ বি) হায়রিবা অসী মালেমগী তোঙান তোঙানবা কম্যুনিটিশিংগী মরক্তা নুংশি- চাননা, অমত্তা ওইনা, শান্তি ওইনা লৈমিন্নবা য়ানবা ইন্টর্নেস্নেল পিচ অমসুং সোলিদারিটি হায়বসিদা মীৎয়েং থম্লগা থবক তৌরিবা লূপ অমনি।
হৌজিক লৈরিবা মনিপুরগী লুরবা ঈরাংগী মরকশিদা মহাক্না কুকি- জো কাঙলূপকি মীচঙদা লৈবা, মখোয়গা চৎমীন্নরুবগী থৌওং অমত্তা লৈত্রি হায়না বাব্লু লোইতোংবম্না শেংদোক খি। মায়া কায়াই মোন হায়রিবি নূপী অদূ নোরৱে মচানি। মহাক্কি হৌরকফম্না বর্মিজ বুধিষ্টনি। মনিপুরদা মহাক ভিসাগী মতম হেন্দোক্লবসু মখা তানা লৈরম্মি হায়বগীদমক ফাদুনা হৌজিক জেলদা লৈরিবনি। মহাক্না হ্যুমেন রাইটস এলার্ট তা মতেং পাংবিনবা হায়জরকখিবা অমগীদমক মহাক্কি মতেং খরদং পাংননবা হোৎনরুবনি হায়খি।
