ভারত জোরো ন্যায় যাত্রাগা মরী লৈননা নারী ন্যায় কেম্পেইন হৌদোকখ্রে

ইমফাল ফেব্রুয়ারি ০৭:ওল ইন্দিয়া কঙ্গরেস কম্মিটি (এ আই সি সি) গী মীৎয়েং মখাদা রাহুল গান্ধিনা লুচিংদুনা চৎলিবা ভারত জোরো ন্যায় যাত্রা অসীগা মরী লৈননা কঙ্গরেসকি মহীলাশিংনসু ঙরাংদগী নারী ন্যায় কেম্পেইন হৌদোকখ্রে।
কেম্পেইন অদুগী শরুক অমা ওইনা মনিপুর প্রদেশ মহিলা কঙ্গরেস কম্মিটিনা শীন্দুনা ইমফালগী বি টি রোদতা লৈবা কঙ্গরেস ভবন্দা কেম্পেইন অদু হৌদোকখি। পোষ্টর কেম্পেইন অদুদা নারি ন্যায় হে তয়ার হু, নুপীশিংদা অচূম্বা ৱয়েল ফংহননবা ঐখোয় শেম শারশী হায়না থাবা পোষ্টর কয়াসু পায়খি।
এম পি এম সি সি গী প্রসসিদেন্ট মুতুম শ্যামা দেবীনা থৌরম অদুগা মরী লৈননা ৱাফম কয়া থম্লদুনা হায়, বি জে পী লৈঙাক্কি মখাদা লৈবাক অসিগী শেল থুম অমসুং অতৈ সেক্তরদা অশোয়বা লৈরিবা কয়া অসীগী মতাংদা চুমথোক্তুনা লৈবাক অসিগী মীয়ামদা অচূম্বা অশেংবা খুদিংমক ফংহন্নবা আই এন সিগী লুচিংবা রাহুল গান্ধিনা নারী ন্যায়, কীসান ন্যায়, যুব ন্যায়, ভাগিদরি ন্যায় অমসুং সরাসিক ন্যায় হায়বসিদা য়ূম্ফম ওইরগা লৈবাক অসিদা হৌজিক চত্থরক্লিবা ভারত জোরো ন্যায় যাত্রা মনুং চন্না কেম্পইন অদু হৌদোকপনি হায়খি।