আসাম লৈঙাক্না দিষ্ট্রিক্ট ৪ দা মনিপুরি লোলবু এসোসিয়েট ওফিসিয়েল লেঙ্গুয়েজ ওইহন্ননবা প্রপোজ তৌখ্রে

আসামদা মতম কুইরবগী মমাঙদগী খুন্দা-লৈতাদুনা লৈরকখ্রবা মনিপুরি কাঙলূপ্না তান্দুনা লাকখিবা দিমান্দ অমা ওইরিবা মনিপুরি লোলবু এসোসিয়েট ওফিসিয়েল লেঙ্গুয়েজ ওইহন্ননবা খোঙজংশিং অদুদা গ্ৰিন সিগনেল পীরকখিবগী খোঙথাঙ ওইনা মনিপুরি কাঙলূপ্না খুন্দারিবা আসামগী তোঙান তোঙানবা দিষ্ট্রিক্ট মরিদা মনিপুরি লোলবু এসোসিয়েট ওফিসিয়েল লেঙ্গুয়েজ অমা ওইনা শকখঙননবা প্রপোজ তৌখ্রে।

দিষ্ট্রিক্টশিং অদুগী মনূংদা অহুম্না বরাক তম্পাক্তা লৈবনি অদুগা অমনা সেন্ট্রেল আসামদা লৈরিবা হোজাই নি হায়রি। ষ্টেট লৈঙাক্কি পারলিয়ামেন্টরি এফিয়ার্স মিনিষ্টর পিজুস হজারিকানা হৌখিবা শগোলশেন নুমিত্তা দি আসাম ওফিসিয়েল লেঙ্গুয়েজ (এমেন্দমেন্ট) বিল, ২০২৪ ষ্টেট এসেমব্লিদা প্রজেন্ট তৌখিবনি।

হোম অমসুং পোলিটিকেল দিপার্টমেন্ট গী চার্জ পুরিবা চিফ মিনিষ্টর হিমন্ত বিশ্বা শর্মগী মীৎয়েং মখাদা বিল অদু পুথোক্তুনা পাস তৌখিবনি। বিল অদুনা আসাম ওফিসিয়েল লেঙ্গুয়েজ এক্ট, ১৯৬০ দা অনৌবা সেক্সন ৫বি হাপচিন্দুনা, রিকগনিশন অসি ফোর্মেলাইজ তৌননবা হোৎনরকপনি হায়রি।