অরানবা মওংদা ইন্নর লাইন পার্মিট শাদুনা পীরম্বা লৈঙাক্কি ওফিসিয়েল ৯ ফাগৎপা ঙমখ্রে হায়না চিফ মিনিষ্টর নোংথোম্বম বিরেননা ফোঙদোকখ্রে। শাশিন্নবা আই এল পি কার্দ পায়বা মীঐই ৩৫০০ শু মশক খঙদোকপা ঙম্লে হায়রি।
ঙরাং ইম্ফালগী বাবুপরাদা লৈবা চিফ মিনিষ্টরগী সেক্রেটরিয়েত্তা পাঙথোকপা পাউমীশিংগা উনখিবা থৌরম অমদা ৱাফম অসী চিফ মিনিষ্টরনা ফোঙদোরকখিবনি। আই এল পি গী গাইদলাইন্দা টেম্পররি অমসুং কেজুৱেল ওইনা লাকপা মতূং ইন্না পার্মিসন পীরী। চহী অমমমগী ওইনা লেবর কার্দ শারগা অরানবা মওংদা পীরম্বা থেংনরে হায়খি। হৌজিকফাওবদা মীওই ৩৫০০ রোমদা অসীগুম্বা অরানবা কার্দ শিং পীরম্বসু থেংনখ্রে হায়বা ৱাফম চিফ মিনিষ্টর বিরেন্না ফোঙদোকখি।
কার্দ অসী পীখিবা মফম মঙা মশক খঙদোক্লে। মফমশিং অদুদি কম্পুটর সেন্টর নমদুনলোং, মোবাইল রিপ্যারিং সোপ কাখুলোং, মোবাইল সোপ থাঙ্গাল বজার, কম্পুটর সেন্টর ন্যার বাবুপারা দি সি বাংলো অমসুং রিমস রোদতা লৈবা কেসিল লেবোরেটরিগী ওফিস গেট হায়রিবশিং অসীনি। আই এল পি কার্দ পীবদা ওথোরাইজ ওফিসার খরনা শীজিন্নবা পাসৱার্দ শিং অদু মতৌ করম্না ফ্রাউদকি গেং খূৎপূ অসীনা শীজিন্নরম্লিবনো হায়না চিফ মিনিষ্টর অসিনা অঙকপা ফোঙদোকখি।
