মনিপুরগী লৈঙাক্না কুমশিং ২০১৫ গী সেপ্তেম্বর ২২ দা থোকখিবা গেজেট এক্সট্রা ওর্দিনারি নম্বর ৩৮৫ গী মতূংইন্না স্কুল ভেনশিংনা কেপাসিটিগী ৱাংমদা অঙাঙ মশীং হেন্না হাপচীন্দুনা পুবগী থবকশিং চত্থবা য়ারোই হায়না খঙহনখিবদু ঙসীফাওবা ঙাক্না চৎলিব্রা হায়বদু নৌহৌননা য়েংশিনবা হৌখ্রে। চৎন-কাঙলোন অদুগি মতূংইন্না স্কুল ভেন অমনা অঙাং মশীং তরাদগী হেন্না পুবা য়ারোই। করিগুম্বা হেনবা তারবসু রেজিষ্টর তৌবা মতমদা পীখৎলকখিবা অঙাঙ মশীং অদুদগী চাদা ১.৫ খক্তমক হেনগদবনি হায়খি।
সুপ্রিম কোর্ট কি কম্মিটি ওন রোদ সেফটিগী মতূং ইন্না, স্কুল ভেন নত্রগা স্কুলগী অঙাং পুবা গারিশিংনা মহৈরোয় মশীং হেন্না পুদনবা খঙহনবসু লৈখ্রবনি। চৎখিবা কুমশিং ২০১৯ গী সেপ্তেম্বর ৭ তসু মনিপুর লৈঙাক্না মখাতানা এক্সত্রাওর্দিনারি গেজেট নোটিফিকেসন থোক্তুনা স্কুল ভেন অমত্তনা মহৈরোয় মশীং হেন্না পুদনবা খঙহনবসু লৈখ্রবনি। মসীগী কাংলোনশিং ঙাক্না চত্তবশিংগী মথক্তা অকনবা এক্সন লৌখৎননবা ত্রাফিক কন্ট্রোল পুলিস ৱিংদা অখন্ন বা শক্তিশিং পীখ্রবনি।
লম্বীদা মহৈরোয়শিং পুদুনা চৎলিবা ভেন অমসুং অতৈ গারিশিং অশোয়- অঙাম থোকহন্দনবা হৌজিক চৎনরিবা গাইদলাইনশিং অমসুং চৎন- কাঙলোনশিং ঙাক্না চৎকদবনি হায়রি।
