ঙসীদগী চহী ১৫/১৬ কি মমাঙ, কুমশীং ২০১০ গী মতমদা শাবা লোইখ্রবা, মনিপুরদা লৈরিবা মরূওইবা য়েলহৌমী কাঙলূপ অমসু ওইরিবা মৈতৈ পাঙল কম্যুনিটিগী নূপীমচা মহৈরোয়শিংগী হোষ্টেল অসী ইম্ফাল ইষ্ট কি মিনুথোং হাফিজ হাত্তাদা লৈরিবা
অসিখক্তনি। মুস্লিম নূপীমচাশিংগী হোষ্টেল অসী শাবা লোইখীবদি ঙসীদগী চহী ১৫/১৬ শুখ্রে অদূবু হোষ্টেল অসী শাখিবা কন্ট্রেক্টর ঐখোয়গী বিলগী শেনফম পীথোকপিয়ু হায়না মেদিয়াগী থোঙদা হঞ্জিন হঞ্জিন হায়জরবসু মমাঙগী লৈঙাকশিংনা তাবিদনা লাক্লি। ঙসীগী অনৌবা পোপ্যুলর লৈঙাক অসীনা থম্মোয় শেংনা থবক তৌজরুবা সব-কন্ট্রেক্টরশিংগী অৱাবা অসী অমূক্তং খন্থবিরগা পীথোকফম থোকপা শেনফম অসী পীথোকপিয়ু হায়না ফোঙদোরক্লি।
কুমশীং ২০১০ গী মতমদা শাবা লোইখ্রবা মুস্লিম গার্লস হোষ্টেল অসীবু লৈঙাক অসীনা থওইবিদবগী মতৌ অসী তশেংনা থম্মোয় পেঞ্জদে। অচান -মীরায় নাইদ্রবা য়ূম্নাম খেমচান্দগী অনৌবা লৈঙাক লৈরবা মতমসিদা মতম শাংনা থওইবিদনা লৈরক্লবা হোষ্টেল শাখিবগী বিলগী শেনফম অসী পীথোকপিয়ু হায়না হোষ্টেল অসী শাখিবা সব-কন্ট্রেক্টর এল তোম্বনা লৈঙাক্কি মীৎয়েঙ চিংশিল্লক্লি।
