অকনবা সেক্যুরিটিগী চেকশীন থৌরাংগা লোয়ননা ইন্টর দিষ্ট্রিক্ট রুট হাংদোকখ্রবসু গারী তোংবিনবা পেসেঞ্জর অমফাওবা থোক্লকখীদ্রে

চৎলিবা থা অসীগী অহূমদা মনিপুর লৈঙাক্কি চিফ সেক্রেটরি দা. বিনিট জোসিনা পব্লিক নোটিস অমা থোক্তুনা মতম শাংনা চত্থোক চত্থোক- চৎশীন তৌনদনা লাকখ্রবা ইম্ফাল-কাংপোকপী-সেনাটি অমসুং সেনাপটি- কাংপোকপী-ইম্ফাল অদূগা অমরোমদা ইম্ফাল-বিষ্ণুপুর-চুরাচান্দপুর অমসুং চুরাচান্দপুর-বিষ্ণুপুর- ইম্ফাল চেনগদবা পব্লিক ভেহিকল সর্ভিস হৌদোক্লগনি হায়না লাউথোরকখিবগা লোয়ননা ঙরাংদগী পব্লিক ভেহিকল সর্ভিস হৌদোকখ্রে।

অদূম ওইনমক গারিশিং অদূদা কনাগুম্বা পেসেঞ্জর অমত্তনা তোংজগে হায়দূনা লাকখিদ্রে। হৌখিবা কুমশীং ২০২৩ গী মে অহূমদগী চত্থরক্লিবা হীংশাগী ঈরাং অসীগী ফীভম ষ্টেট লৈঙাক অসীনা কুপ্না মোনিটর তৌদুনা য়েংশিল্লক্লি। ষ্টেট লৈঙাক অসীনা লমদম অসীগী জেনরেল লো এন্দ ওর্দর গী ফীভম, লৈরিবা সেক্যুরিটি ফোর্সকি মশীং, মখোয়দা লৈবা পৱার, রেস্পোন্স সিষ্টেম অমদি তোঙান তোঙানবা এজেন্সিশিংদগী লৌখৎলকপা ফিজিবিলিটি ইনপুৎশিং য়েংশিল্লবা মতূংদা মীয়াম্বু মপূঙফানা ঙাক-শেন্দুনা, অশোয়- অঙাম থোক্কদবদগী ঙাকথোকপা ঙম্লগনি হায়বগী ৱারেপ লৌরে লোয়ননা গারীশিং তোংগদবা পেসেঞ্জরশিংনা মরী- লৈনবা দিষ্ট্রিক্টশিংগী দিপ্যুটি কম্মিস্নার ওফিসশিংদা লৈবা ওফিসারশিংগী মোবাইল নম্বরদা কন্টেক্ট তৌবা য়াগনি হায়না তোঙান তোঙানবা নম্বরশিং মীয়ামদা লাউথোক্তুনা খঙহনখিবনি।

অদূম ওইনমক হীঙশাগী ঈরাং য়াম্না কন্না লৈনরিবা চৈরকশিদা কনামত্তনা থৌনা লৈনা চোংথোরক্তুনা থৱায়গা হকচাংগা খাইদোক্নবা পামদবদগী গারিশিং অদু তোংনবগীদমক থোক্নরকখিদবনি।