![MP Sanajauba](https://newsmanipur.com/wp-content/uploads/2024/08/MP-Sanajauba.jpeg)
ঙসী ঐখোয়গী মীরোলসিদা মরৈবাক নুংশিবা অমসুং মরৈবাকপু তশেংনা মশক খঙবগী মথৌ য়াম্না তারি হায়না মনিপুরগী নিংথৌ অমসুং ষ্টেট অসীগী রাজ্য সভাগী এম পি লৈসেম্বা সনাজাউবনা ফোঙদোকখ্রে।
মুক্তা হেরিটেজ অমসুং মনিপুর সাহিত্য পরিষদ মেঘালয়ানা শীন্দুনা সনা কোনুংদা ঙরাং পাঙথোকখিবা, ‘অরোনবা খূজীল থৌরাং’ হায়না মিংথোনবা এঙ্গলো মনিপুরি ৱার ১৮৯১ গী থৌদোকশিংদা য়ূম্ফম ওইবা দোক্যুমেন্টরি দ্রামা অমা রিলিজ তৌখিবা থৌরমদা সনাজাউবনা ৱাফম অসী ফোঙদোরকখিবনি।
হৌখিবা চহী কুন্থরা মীয়ামগী থবক তৌদুনা লাকখ্রবসু ঙসীগী তমথিরবা হীংশাগী ঈরাং অসীগী সোল্যুসন পুরকপা ঙমদনা লৈরিবা অসী থম্মোয় শোক্নিঙাই ওইরি হায়না সনাজাউবনা ফোঙদোকখি। ঐখোয় খূদীংমক্না থম্মোয় শেংনা হোৎনরবদি হৌজিক থোক্লিবা ঈরাং অসীগী সোল্যুসন পুরকপা শোয়দনা ঙমগনি হায়বা ৱাফম মহাক্না ফোঙদোকখী।