অচৌবা চীঙলৈবাক কীন্থবগী থৌদোক্না কোহিমা-দিমাপুর লম্বী চৎপা য়াহন্দ্রে

নাগালেন্দ ষ্টেটকি কোহিমা অমসূং দিমাপুর অনীগী মরক্তা লৈরিবা নেসনেল হায়ৱে নম্বর ২৯ পরীংগী জূদজা থোং মনাক্তা চাউনা চীঙ নীঙখায়বগী থৌদোক্তা লম্বী থিংজিনখিবদগী মীয়ামগী মহৌশাগী পুন্সিদা চাউনা অকায়বা, খুদোংচাদবা থোকহল্লে, এদমিনিষ্ট্রেসনগী থবক থৌরমশিংদসু খুদোংচাদবা কয়া থোকহনখ্রে।
মনাক নকপদা লৈরিবা খুঞ্জাশিং শাফগদবা মফমশিংদা হোংদোকহনখ্রে। অকনবা নোংজুনা মরম ওইদুনা চীং নীঙখায়খিবা থৌদোক অদুনা মরম ওইদুনা নেস্নেল হায়ৱে অদু থিংজিনখিবদগী মীয়ামগী মহৌশাগী পুন্সিদা চাউনা অকায়বা থোকলি। নুমিৎ কুন্নিরোম হেন্না মীয়াম চৎথোক-চৎশীন তৌবা য়াখিরোই হায়রি । হৌখিবা ইরাই নুমিত্তা চীঙ নীংখায়রিবা মফম অদুদা কোহিমাগী দিপ্যুটি কম্মিস্নার কুমার রম্নিকান্ট না এন ঐচ আই দি সি এল, কোহিমা পুলিস, দিষ্ট্রিক্ট দিজাষ্টর মেনেজমেন্ট ওথোরিটি (দি দি এম এ) অমসুং এম/ এস ব্রান্দ ইগলস কা লোয়ননা মফম অদুদা চঙশীন্দুনা ফীভম য়েংশিনখ্রে। চীঙলৈবাক ময়াম অদুনা লম্বীগী শরুকশিং পুল্লপ ফুঞ্জিন্দুনা লৈখিবগী ফীভম অদু শেংদোকপদি চয়োল খরদি চঙখিগনি হায়না ওথোরিটিশিংনা ফোঙদোকখি।