ব্রহ্মপুত্র ভেল্লি ফিল্ম ফেস্টিভেল দিসেম্বর ৫ দগী ৮ ফাওবা পাঙথোরানি

চহী অসিগী ওইনা ৯ শুবা ব্রহ্মপুত্র ভেল্লি ফিল্ম ফেস্টিভেল লাক্লিবা দিসেম্বর ৫ দগীনা ৮ ফাওবা গুৱাহাটিগী কাহিলিপারাদা লৈবা চিত্রবন ফিল্ম ষ্টুদিওদা পাঙথোক্লগনি হায়রি। ফিল্ম ফেস্টিভেল অসিদা নোর্থ ইষ্টকী ওইবা তোঙান তোঙানবা মমিং লৈরবা ফিল্ম ২২০ হেন্না উৎকনি।

ফিল্মশিং অসিদা নোর্থ ইষ্টকী ফজরবা পুৱারী অমদি ফিচর ফিল্ম, দোক্যুমেন্টরি অমদি সোর্ট ফিল্মনচিংবা উৎকনি। হৌজিক ফাওবগী ওইনা ফিল্ম ফেস্টিভেল অসিদা শরুক য়ানবগীদমক ফিল্ম ২৮০ হেন্না লাকখে। লোয়ননা ইন্ত্রিগী ওইনা ফিল্ম ১২০০ রোম লাকগ্রে। হায়রিবা ফিল্মশিং অসিদা শরুক য়ারিবা আর্টিষ্টশিং, ফিল্ম মেকরশিং অমদি দাইরেক্টরশিং অয়াম্বনা নহা ওইরিবা মীওই ঙাক্তনি। পনবা য়াবদি, মমাঙ চহীদা পাঙথোকখিবা মতমদদি চাউরাক্লা মীওই লিশিং ২৫ রোমা শরুক য়াখি।

দিসেম্বর থাদা পাঙথোক্কদৌরিবা ফিল্ম ফেষ্টিভেল অসিনা নোের্থ ইষ্টকী ওইবা মীয়ামদা অচৌবা পাউজেল অমা পীবগা লোয়ননা ইকোনোমি এক্টিভিটি, ভিজিটরশিং অমদি লোকেল বিজিনেসতা কান্নবা কয়া পীবদা নওনা নোর্থ ইষ্টকী ফজরবা হোস্পিটালিটি অমদি রিটলে সেক্টরদসু চাউনা কান্নবা ফংহল্লগনি। বহ্মপুত্র ভেল্লি ফিল্ম ফেস্টিভেল অসি চহী চহী খুদিংগী হেন্না পাকথোক চাউথোরকপগা লোয়ননা লোকেল ইকোনোমিদসু অচৌবা কান্নবা পীদুনা মীয়াম্না পাম্বা হেনগৎলক্লি হায়নসু পাউ অসিনা মখা তানা হায়রি।