চহী অসীগী জুলাই ১৮ দগী ১৯ ফাওবা নিএলিট কমপ্লেক্সতা নুমীৎ নীনীগী জোব ফ্যের পাঙথোক্কদৌরি

নেস্নেল ইন্সটিটিউট অফ ইলেক্ট্রনিক্স এন্ড ইনফোর্মেসন টেক্নোলোজি (নিএলিট) ইম্ফাল না লমদম অসীগী লাইরিক-লাইশু হৈরবা, তোঙান তোঙানবা ট্রেদশিংদা ট্রেনিং ফংলুরবশিং য়াওনা থবক ফংদ্রিবা নহারোলশিংদা প্লেসমেন্টগী খুদোংচাবা ফংহন্ননবা পান্দমদা নুমীৎ নীনীগী জোব ফ্যের অমা ইন্সটিটিউট অসীগী অকাম্পাত্তা লৈবা ওফিস কমপ্লেক্স তা পাঙথোক্লগনি হায়না মীয়ামদা, থোইদোক-হেন্দোক্না থবক ফংদ্রিবা নহারোলশিংদা খঙহল্লক্লি।
লাক্কদৌরিবা জুলাই ১৮দগী থা অদুগী ১৯ ফাওবা নুমীৎ নীনী চূপ্না পাঙথোক্কদবা জোব ফ্যের অসীদা লমদম অসীদা লৈরিবা রেজিষ্টর তৌরবা ফার্মশিং, ইন্দষ্ট্রি য়ুনিটশিং, কম্পেনিশিংনা শোয়দনম্মক শরুক য়াবিয়ু হায়রি। ইন্দিয়া লৈঙাক্কি মিনিষ্ট্রি ওফ ইলেক্ট্রোনিক্স এন্দ ইনফোর্মেসন টেক্নোলোজিগী এদমিনিষ্ট্রেটিব কন্ট্রোল মখাদা লৈরিবা ওটোনোমস সাইন্টিফিক সোসাইটি অসী ইনফোর্মেসন, ইলেক্ট্রোনিক্স অমসুং কম্মুনিকেসন টেক্নোলোজিগী এরিয়াশিংদা হ্যুমেন রিছোর্স দেভলপমেন্ট লোয়ননা মরী লৈনবা থবক থৌরমশিংদা নহারোল মহৈরোয়শিং অমসুং মীয়ামদা কান্নবা ফংহন্ননবা পান্দমদা লিংখৎখিবনি হায়রি।
জোব ফ্যের অসীদা শরুক য়ানিংবা ষ্টেকহোল্ডরশিংনা নিএলিট কি প্লেসমেন্ট ওফিসার ওইনা লৈরিবা ঐচ রাজেন্দ্রগী মোবাইল নম্বর ৯৩৬৬১৪৮২৫৬ তা পাউ ফাওরকপসু য়াগনি হায়রি।