কোবিদকি অনৌবা ভেরিএন্ট মনিপুরডা লৈবা থেংনদ্রি, চেকশিন্ থৌরাংদি অকনবা মৱোং দা লৌখতলি : সসিকুমার

হন্দক মালেমগী মফমশিংদা শনদোরকলিবা কোভিদ-১৯ গী অনৌবা ভেরিএন্ট ওইরিবা জে এন.১ অসী মনিপুর দা থেংনদ্রি অদুবু মসীনা মীয়ামদা খুদোংথীবা থোকলকপা য়াবনা অকনবা চেকশীন থৌরাংদি লৌখতপা হৌরে হায়না মনিপুর লৈঙাকি হেলঠ দিপার্টমেন্ট কি দিরেকতর সসিকুমার মতাঙ না ফোঙ দোরকলি ।
ইনদিয়াদা ভেরিএন্ট অসি চাদা ৫২ গী চাং দা য়াম্না থুনা য়াঙনা হেঙগতলকপা মরম্না ঐখোয়সু অহেনবা চেকশীন থৌরাং লৌখতহৌবগী তঙাইফদবা লৈরি হায়না হেল্ঠ দিরেকতর অসিনা ঢেকশীল ৱারোল থমলকলি ।ৱাফম অসি লমফেলপাততা লৈবা ইসতেত হেল্ঠ সোসাইটি, নেসনেল হেল্ঠ মিসন মনিপুরগী কনফেরেন্স হোলদা পাংথোকপা প্রেস কনফেরেন্স অমদা ডা. সসিকুমারনা ফোঙদোকখিবনি ।
মহাকনা হায়, মালেমগী অমদি ইনদিয়াগী মফম অতৈদা শন্দোরকলবসু ভেরিএন্ট অসি মনিপুরদদি ঙসী ফাওবগী ওইনা থেংনদ্রি অদুবু ভেরিএন্ট অসী নুমীৎ অমদা হেক্তা য়ৌরকপা য়াবগী অকীবা লৈবনা ঐখোয় য়াম্না চেকশিন্না লৈবা মথৌ তাই । লৈঙাকনসু হীরম অসীগী মতাংদা অকনবা চেকশীন থৌরাং লৌখতপা হৌরে হায়খি । মসীগী মতাংদা মীয়ামনা কা হেন্না মিপাইবা ফাওবিগনু হায়বা ৱাফমসু মহাকনা থমখি ।কোবিদকি কাঙলোনশিঙ নীংথিনা ঙাকনা চৎপীয়ু হায়নসু মহাকনা মীয়ামদা ফোঙদোকখি । হীরম অসীগী মতাংদা সেন্টর লৈঙাকনসু অকনবা মীতয়েঙ চঙলি । ইসতেত অসীগী ওইনা হৌখিবা দিসেম্বর ৪ দা ইনৌ নৌনা কোফিদকি কেস অমা থেংনখিবা লৈখ্রে অদুবু মদুমকনা অনৌবা ভেরিএন্ট অসীনি হায়বদি নত্তে হা‌য়খি।
নুমিৎ অদুদগী ঙসী ফাওবদা মনিপুর দা কোফিদ টেষ্ট ১৩০ তৌখি অদুবু পোজিতিভ কেস তি অমত্তা থেংনদে হায়বা ৱাফম ডা. অসীনা শেংদোকখি। ঐ এন.১ অসী মীওই ১০০ দা নারকপা তারবসু মী অনী য়ৌনা হোসপিটালাইজ তৌরোই, মরম অদুনা মীয়ামনা কা হেন্না মিপাইনিঙাই লৈতে হায়খি । হান্না কোভিদ ভেকসিন দোজ অনী কাপথোকলবা মীওই খূদীঙমক অনৌবা ভেরিএন্ট অসী চঙলকপা ঙমলোই হায়খি। ভেরিএন্ট অসিদগী ঙাকথোকনবা বূসটর দোজ কাপথোকপগী মথৌ থোইনা তাদে। ইম্ফাল এ‌রপোরট তা
তা চেকশীন থৌরাং ওইনা ডাক্তর, নর্স অমসুং টেকনিসিয়ান টিম অমা থমদুনা অহেনবা মিজর লৌখতপা হৌখরে কোভিদ এফেকতেদ জোন্দগী লাকপা মীওই খুদিংমক হেল্ঠ দিপার্টমেন্ট কা খূতশমনরগা টেষ্ট তৌবা হৌখ্রে হায়খি ।কোভিদ টেষ্ট তৌবদা পোজিতিভ ওইবা থেংনরবদি জিনোম সিকৱেনসিঙ গীদমক মপান লমদা থাগনি। ওকসীজেন, কনসেন্ট রেটর শিংসু মনিপুরদা মরাঙ কায়না থমলি। কোভিদকি হেল্প লাইনশিঙ অথূবদা হিংগতহললগনি হায়নসু ডা.সসিকুমারনা মখা তানা ফোঙদোকখি।